د بهرنیو چارو وزیر امیرخان متقي د ملګرو ملتونو د سرمنشي مرستیالې روزميري ډيکارلو سره ټیلیفوني خبرو کې د پاکستان په بريدونو انديښنه ښوولې او ویلي، په دغو بریدونو کې هېڅکله کوم وسلهوال نه دی وژل شوی چې پاکستانی لوری یې د شتون او په نښه کولو ادعا کوي چې دا د پاکستان له لوري په افغانستان تورونه بېبنسټه ثابتوي.
د ایران بهرنیو چارو وزارت د اسلامي امارت پاکستان ترمنځ د ننګونو مخنیوي ته چمتوالی ښوولی. د دغه وزارت ویاند اسماعیل بقايي د افغانستان او ایران ترمنځ مناسبات مثبت ارزولي، خو د افغانستان پاکستان ترمنځ پوله کې یې ننګونو څخه اندېښنه ښوولې.
افغانستان کې د ملګرو ملتونو سیاسي استازولۍ یوناما ویلي، پر افغانستان د پاکستان هوایي بریدونو له امله د ملکي مرګژوبلې کره راپورونه ترلاسه کړي. یوناما
د ننګرهار د بهسودو ولسوالۍ په «ګردي کڅ» سیمه کې د پاکستان له لوري په شوي بمبار کې چې ۱۷ کسان پهکې شهیدان شوي وو، د څلورو جسدونه لا هم نادرکه دي او د ژغورنې عملیات پایته رسیدلي. د قرباني شوې کورنۍ غړي وایي، له مړو شویو څخه یې ۱۳ جسدونه پیدا او خاورو ته سپارلي، خو څلور تنه لا هم نادرکه دي.
د بادغیس امنیتي چارواکي وایي چې د هرات–بادغیس پر لویه لار د یوه ۴۰۴ ډوله مسافروړونکي موټر د چپهکېدو له امله نهه کسانو خپل ژوند له لاسه ورکړی او ۳۵ نور ټپیان شوي دي.
د بادغیس د امنیې قومنداني ویاند، صدیقالله صدیقي وايي، دا پېښه نن یکشنبه، کب درېیمه، له غرمې مخکې د «پُشته لامان» په نوم سیمه کې رامنځته شوې ده.
د ملګروملتونو په سازمان کې د افغانستان دايمي استازولي د پاکستان لهخوا په پکتیکا او ننګرهار ولايتونو کې شوي هوايي بريدونه په کلکه غندلي دي.
په خپره شوې خبرپاڼه کې ويل شوي چې په دغو بريدونو کې لږترلږه ۱۷ ملکي وګړو خپل ژوند له لاسه ورکړی او يا ټپيان شوي دي.
پخواني ولسمشر حامد کرزي پر ننګرهار او پکتیکا ولایتونو د پاکستان د تېرې شپې هوایي بریدونه غندلي او دا یې د افغانستان د حاکمیت ښکاره
د دفاع وزارت د پاکستاني پوځ لهخوا د افغانستان د حريم د نقض په تړاو اعلامیه کې خبرداری ورکړی چې په مناسب وخت کې به حساب شوی ځواب ورکړي. اعلامیه کې ویل شوي چې د افغانستان د حریم دغه ښکاره نقض او جنایت په کلکو ټکو غندي او دا عمل د نړیوالو قوانینو، د ګاونډیتوب اصولو او اسلامي ارزښتونو ښکاره سرغړونه بولي.
د اسلامي امارت ویاند ذبیحالله مجاهد پر خپله اېکسپاڼه لیکلي، د پاکستان خاصې نظامي کړۍ یو ځل بیا پر افغان خاوره برید کړی.
نوموړي ویلي، د شپې ناوخته په ننګرهار او پکتیکا ولایتونو کې ملکي هېوادوال بمبار شوي چې د ښځو او ماشونو په ګډون لسګونه کسان شهیدان او ټپیان شول.
د په ختیځ کې د اسراییلي ځواکونو په هوايي بریدونو کې لږ تر لږه ۱۰ کسان وژل شوي چې په کې د حزبالله یو لوړپوړی
د روسیې بهرنیو چارو وزیر سرګي لاوروف وايي، په ایران د امریکا هر ډول نوی برید جدي پایلې لرلی شي.
هغه تېره ورځ د فبروري په ۱۸ د سعودي العربیه ټلویزیون سره مرکه کې د ایران سولهییز اټومي پروګرام د تعقیب په موخه د حللارې موندلو لپاره د زغم غوښتنه وکړه.
د امریکا ځانګړی استازی سټیو ویټکاف وايي، د ولسمشر ډونالډ ټرمپ په لارښوونه نن چهارشنبه متحده ایالتونو اوکراین او روسیې سره د درې اړخیزو خبرو درېیم پړاو ترسره کړه.
دغه خبرې د سویس په کوربهتوب ترسره شوې.
سټیو ویټکاف ویلي، امریکا د اوکراین جګړې دواړه لوري سره راټول کړي او خبرو کې د پام وړ پرمختګ شوی.
په اسیا او ارام سمندر کې د اروپايي ټولنې د بشري مرستو څانګې ویلي، افغانستان کې له تېرو جګړو پاتې مهمات د دې هېواد د وګړو پر وړاندې پټ او مرګونی ګواښ دی.
یادې ادارې نن سېشنبه دلوې ۲۸ / فبروري ۱۷ پر اېکسپاڼه لیکلي، افغانستان کې له ماینونو او د جګړو له پاتې مهماتو د ککړو ځمکو د پاکولو له هڅو ملاتړ کوي.
د امریکا ولسمشر ډانلډ ټرمپ وايي، جینوا کې به ایران سره خبرو کې په غیرمستقیم ډول ښکېل وي او باور لري چې تهران غواړي یوه معامله وکړي.
هغه نن سهشنبه د یران اټومي پروګرام په اړه د واشنګټن او تهران ترمنځ له خبرو پیلېدو وړاندې خبریالانو ته وویل: «زه به په غیر مستقیم ډول په دې مذاکراتو کې برخه واخلم. او دا به خورا مهم وي.»
د پاکستان په کراچۍ ښار کې د افغانستان کنسولګرۍ اعلان کړی چې ۱۰۵ افغان وګړي د دغه هېواد له زندانونو خوشې شوي او بېرته هېواد ته راستانه کړل شوي دي.
یادې کنسولګرۍ نن سهار (دوشنبه، سلواغې ۲۷مه) پر خپله اېکسپاڼه لیکلي چې خوشې شوي کسان د کندهار د سپینبولدک ولسوالي له لارې افغانستان ته داخل شوي.
د ملي دفاع وزیر محمدیعقوب مجاهد له افغانستان څخه د پخواني شوروي اتحاد د ځواکونو د وتلو ۳۷مې کلیزې په مناسبت جوړې شوې غونډې ته ویلي چې نه د چا غلامي مني او نه هم د چا فرمایشات منلی شي.
مجاهد په دې غونډه کې ټينګار وکړ چې افغانستان یو خپلواک هېواد دی او پلمه لټونکي هېوادونه باید د ستونزو له رامنځته کولو ډډه وکړي او په وینا یې، دا ستونزې د هېڅ لوري پر ګټه نهلري.
