د ټرانسپورټ او مالیې وزارتونو او د امارتي شرکتونو لوی ریاست ترمنځ په هېواد کې د ډاډمن ټرانزیټ او پانګونې جذب په موخه باروړونکو موټرو کې د ځیرک قلفونو لګولو تړون لاسلیک کړ.
دغه تړون نن چهارشنبه، تلې ۱۸مه کابل کې د حکومت د اطلاعاتو او رسنیو په مرکز کې د یوې خبري ناستې پرمهال لاسلیک کړ.
د افغانستان په اړه د مسکو فارمټ شپږمه غونډه روسیه کې د یوشمېر هېوادونو د استازیو او د سرپرست حکومت د پلاوي په ګډون «جمعه، تلې ۱۳مه» جوړه شوه چې د بېلابېلو موضوعاتو په تړاو پهکې بحث او خبرې وشوې.
د سرپرست حکومت د ویاند ذبېح الله مجاهد سلاموطندار ته وویل چې دغه غونډه د افغانستان او د سیمې د پرمختګ لپاره مهمه ناسته وه.
که څه هم پر لبنان د اسراییلو بریدونه لا هم روان دي او ایران د تېرې سهشنبې په شپه شاوخوا ۲۰۰ توغندي پر اسراییلو ور وتوغول، خو د ایران د بهرنیو چار وزیر سیدعباس عراقچي بیروت ته تللی دی. د ایران د بهرنیو چارو وزارت ویاند اسماعیل بقايي ویلي چې عراقچي نن (د تلې ۱۳مه، جمعه) د لبنان له چارواکو سره د خبرواترو په موخه د دغه هېواد پلازمېنې بیروت ته تللی دی.
ټاکل شوې چې سبا «جمعه، تلې ۱۳مه» روسیه، چین، ایران، اوزبیکستان، پاکستان، هند، قزاقستان، تاجیکستان او ترکمنستان د مسکو فارمټ کې د افغانستان په تړاو بحث او خبرې وکړي.
د روسیې د بهرنیو چارو وزارت د اعلان له مخې، په دې ناسته کې به د «ملي روغې جوړې» د بهیر پر پیاوړتیا او سرپرست حکومت سره د هېوادونو د اړیکو په اړه خبرې وشي.
د اسراییلو د بهرنیو چارو وزیر یسراییل کاټز پر خپل اېکس لیکلي چې د ملګرو ملتونو سرمنشي انټونیو ګوټرېش ته به اجازه ور نهکړي چې خاورې ته یې ور دننه شي. هغه ګوټرېش یو «نامطلوب کس» بللی دی.
د کاټز په وینا، پر ګوټرېش یې ځکه دغه بندیز لګولی چې په غوڅ ډول یې پر اسراییلو د ایران او د اکټوبر پر اوومه پر اسراییلو د حماس بریدونه نهدي غندلي او نه یې هم د حماس، حزبالله او حوثیانو د اقداماتو پر وړاندې توند غبرګون ښودلی دی.
ایران د سهشنبې په شپه شاوخوا ۲۰۰ توغندي پر اسراییلو ور وتوغول. د ایران سپاه پاسداران په یوه خبرپاڼه کې خبرداری ورکړی چې که اسراییل ځواب ورکړي، لا سخت ځواب به ورکړي.
په همدې حال کې د ایران ولسمشر مسعود پزشکیان پر اېکس یو پیغام خپور کړی او ویلي یې دي چې د دغه برید موخه یې د خپل هېواد د ګټو دفاع وه.
د ایران د بهرنیو چارو وزارت ویاند ناصر کنعاني پر اسراییلو د دغه هېواد له توغندیزونو بریدونو وروسته ویلي، اسراییل او د هغو ملاتړي دې وپوهېږي چې ایران هغه څه کوي چې وايي یې.
نوموړي نن (د تلې ۱۱مه، چهارشنبه) پر خپل اېکس یوه خبرپاڼه کې لیکلي چې ایران د سیمې امنیت او ثبات ته ژمن دی، خو د «یرغلګرو» پر وړاندې به کوټلي ګامونه واخلي.
د اسراییلو لومړي وزیر بنیامین نتنیاهو ویلي چې ایران پر دغه هېواد د برید له امله لویه تېروتنه کړې ده.
رویټرز خبري اژانس راپور ورکړی چې نتنیاهو دا موضوع د ایران له برید وروسته په یوه بیړنۍ غونډه کې کړې او ټینګار یې کړی چې ایران به پر اسراییلو د برید بیه پرې کړي.
د افغانستان په چارو کې د ایران ځانګړي استازي او سفیر حسن کاظمي قُمي ادعا کړې چې سرپرست حکومت افغانستان کې قومي، مذهبي او ژبني تعصب ته لمن وهي. خو د سرپرست حکومت د بهرنیو چارو وزارت د دغو څرګندونو په غبرګون کې ویلي، هېواد کې هېڅ ډول تبعیض او تعصب شتون نهلري.
د دغه ولایت امنیه قومندان مولوي محمدالدین شاه محبت پلعلم کې خبریالانو ته وویل، یاد ماشوم چې شاوخوا ۱۳ کاله عمر لري او په اصل کې د محمداغې ولسوالي «سفیدسنګ» سیمې اوسېدونکي دی، درې میاشتې وړاندې د پلعلم له «هونسفلی» سیمې څخه نادرکه شوی و.
د برښنا شرکت اجراییه مشر عبدالباري عمر وايي چې برښنا، تعلیم او روغتیا باید سیاسي نهشي.
نوموړي نن دوشنبه، تلې نهمه کابل کې د «فغانستان برښنا انرژس د پانګونې فرصتونو د وړاندې کولو کنفرانس» کې کړې دي.
په دې راپور کې د ملي لوبدلو له اتو او د نورو برخو له لسو ورزشکارانو سره خبرې شوې دي. د یادو ورزشکارانو له ډلې، لسو هغو یې، ویلي چې د درېوو کلونو پرمهال افغانستان کې ورزش د پام وړ وده کړې. سلاموطندار د بېلابېلو برخو له ۱۸ ورزشکارانو سره د مرکو پرمهال موندلې چې د وروستیو درېوو کلونو پرمهال هېواد کې ورزش د پام وړ پرمختګ کړی دی.
د ریاستالوزرا اقتصادي معاونیت وايي چې د تېر یوه کال پرمهال د ډالرو پر وړاندې د افغانیو ارزښت ۱۴.۵۰سلنه لوړ شوی دی.
یاد معاونیت نن دوشنبه، تلې نهمه پر خپله اېکسپاڼه لیکلي چې د تېرکال وږي پر ۳۱مه یو ډالر۷۸.۷۶ افغانۍ و، خو سږکال د وږي پر ۳۱مه یو ډالر ۶۸.۸۸ افغانۍ ته راښکته شوی دی.
د لوګر امنیه قومنداني چارواکي وایي چې د کورنیو چارو وزارت د نشهيي توکو پروړاندې د مبارزې ریاست له لوري د نشهيي توکو کرکېلې لهمنځه وړو عملیات نن «یکشنبه، تلې اتمه» پای ته ورسېدل.
د دغه ولایت امنیه قومنداني ویاند مولوي احمدالله انس سلاموطندار ته وویل، دغه عملیات ۲۰ ورځې وړاندې د لوګر په مرکز پلعلم او ازرې ولسوالیو کې پیل شوي وو.
د خوست امنیه قومنداني وياند طاهر احرار وايي، د تېرې یوې اوونۍ پرمهال دغه ولایت کې یوولس کسان د بېلابېلو غلاوو په تور نیول شوې دي.
دغه کسان له جنایي جرمونو سره د مبارزې مديريت منسوبينو له لوري د یاد ولایت مرکز، علیشېرو او ترېزیو، تڼیو، صبریو او یعقوبیو، اسماعیلخېل او مندوزیو ولسوالیو کې نیول شوي دي.
د هېواد په ختیځ کې د وروستیو اورښتونو له امله راوتلیو سېلابونو مالي او ځاني زیانونه اړولې دي.
ځايي مسوولان وايي، دغه سېلابونه «جمعه شپه» د ننګرهار په کوزکونړ او د لغمان الینګار او الیشنګ ولسوالیو کې راوتلي دي.
ده وویل، د زیانمنو کورنیو سروې یې پیل کړې او په دې اړه به د زیانونو کره شمېر وروسته شریک کړي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
