د یادې اوبورسولو شبکې د جوړولو چارې د کلیوبیارغونې او پراختیا ریاست له لوري، د افغان کډوالو لپاره د ډنمارک کمېټې (DACAAR) په مالي مرسته، د غزني د ګیرو ولسوالي د «غوندناني» په کلي کې پلې کېږي.
د بلخ مسوولان وايي چې د مزارشریف ښار د شادیان صنعتي پارک سړک د ۳۹ میلیونه افغانیو په لګښت سفالت او ګټېاخیستنې ته سپارل شوی دی.
دا سړک د مزارشریف ښاروالي د پراختیايي بودیجې له لارې جوړ شوی او نن دوشنبه، د مرغومې ۲۲مه، په رسمي توګه پرانېستل شوی دی.
د افغانستان بانک مسوولان وايي چې د برښنایي اداینو د پراختیا عمومي ستراتیژي منظوره شوې او دا ګام به د مالي نظام عصري کول، شفافیت او حساب ورکولو ته لاره هواره کړي.
د یاد بانک د مسوولانو په وینا، د یاد پلان په پليکېدو سره به په لروپرتو سیمو کې خلکو ته د چټکو او عصري مالي خدمتونو وړاندې کولو زمینه برابره شي.
هېواد ته له ګاونډیو هېوادونو څخه د میلیونونو افغانانو تر راستنېدو وروسته، د ژمي راتګ او د نړیوالو مرستندویو ادارو د مرستو کمښت، ګڼشمېر راستنېدونکي د کار موندلو، د سرپناه د برابرولو او د ژوند د لګښتونو د پوره کولو له جدي ستونزو سره مخ کړي دي.
په ننګرهار کې د پوهنې ریاست تر چتر لاندې د دغه ولایت په یوشمېر ولسوالیو او جلالاباد ښار کې مجهز سیمهییز ټولګي جوړ شوي چې زرګونه زدهکوونکو ته یې د عملي عصري زدهکړو زمینه برابره کړې ده.
د لوګر په محمداغې ولسوالي کې د ښاروالي په هڅو د څارویو د حلالې لپاره یو معیاري مسلخ جوړ او ګټېاخیستنې ته سپارل شوی دی.
د لوګر د والي ویاند صدیق احمدصدیقي سلاموطندار ته وویل، دغه مسلخ د ۵۰۰ متره مربع ځمکې پر سر د اجمل په نوم د سیمې د یوه اوسېدونکي له لوري جوړ شوی دی.
د خوست ولايت مقام څخه په ليږل شوې خبرپاڼه کې ویل شوي چې د قلندر ولسوالي ته د وارداتي برښنا لېږد پروژه بشپړه او د يو لړ مراسمو په ترڅ کې ګټېاخيستنې ته سپارل شوې ده.
خبرپاڼه کې راغلي چې د خوست والي مولوي عبدالله مختار ويلي چې اسلامي امارت د خلکو خدمت ته ژمن دی او د شته امکاناتو څخه د خلکو اسانتيا لپاره اغيزمنه ګټه اخلي.
د صنعت او سوداګرۍ وزارت مسوولان وايي چې دې وروستیو درېوو میاشتو کې د افغانستان او پاکستان ترمنځ د سوداګرۍ کچه په څرګند ډول راکمه شوې ده.
د یاد وزارت ویاند اخندزاده عبدالسلام جواد وایي چې په ۲۰۲۵ میلادي کال کې له پاکستان سره سوداګریزه راکړه ورکړه د تېرکال په پرتله ۴۰ سلنه راکمه شوې ده.
د کرنې، اوبولګولو او مالدارۍ وزارت وايي چې دا مهال هېواد کې د کبانو ۲۸۵۰ فارمونه فعال دي چې کلنی تولید یې نږدې ۱۳۰۰۰ میټریک ټُنه ته رسېږي.
د دغه وزارت د شمېرو له مخې، افغانستان هرکال ۳۶۰ زره میټریک ټنه کبانو ته اړتیا لري چې کورني تولید یې یوازې یوه محدوده برخه برابروي.
هندي رسنیو د کابل او نوي ډیلي ترمنځ د اړیکو د نوي فصل له پیل څخه خبر ورکوي. «د هندو» ورځپاڼې راپور ورکړی چې د اسلامي امارت د بهرنیو چارو وزارت یو لوړپوړی چارواکی نوراحمدنور هند کې د افغانستان د سفارت د سرپرستۍ مسوولیت د پرمخ وړو په موخه نوي ډیلي ته رسېدلی دی.
د هرات د تسبیح جوړولو د یوې تولیدي کارخونې مسوولان وایي چې هره میاشت تر زرو پورې دودیزې او لاسجوړې تسبیح، روسیې او عربي هېوادونو ته صادروي.
د یادې کوچنۍ کارخونې مسوول واحد عرب وايي، د هرات تسبیح د لوړ کیفیت، ځانګړي مینیاتوري کارۍ، دودیز ډیزاین او د غوره خامو موادو د کارونې له امله په بهرنیو بازارونو کې ښه غوښتنه لري.
د امريکا ولسمشر ډونالد ټرمپ په تازه څرګندونو کې ويلي چې په ايران کې به روان اعتراضونه جدي بڼه غوره کړې او ادعا يې کړې چې معترضان د هېواد په يوشمېر ښارونو کې د کنټرول هڅه کوي.
ټرمپ د جمعې پر ورځ په يوه وينا کې خبرداری ورکړی چې که د ايران حکومت د معترضانو د وژلو اقدام وکړي، نو امريکا به مداخله وکړي. هغه ټينګار وکړ چې دا مداخله به د پوځي ځواکونو د لېږلو معنا ونه لري.
د کابل د شنو صنایعو صنعتي پارک کې د ۴۰ میلیون ډالرو په ارزښت د برښنا د تولید، لېږد او وېش په برخه کې د دریو پروژو چارې پیل شوې.
د برښنا شرکت اجراییوي مشر عبدالباري عمر نن (پنجشنبه، جدي ۱۸) په دې تړاو جوړو شوو مراسمو ته وویل، دغو پروژو کې د ۳۴ مېګاواټه لمریزې تولیدي برښنا دستګاه، د ۱۲۶ مېګاولټ امپیر سبسټېشن او د ۲۲۰ کېلوولټ برښنا لېږد مزي غځول شاملیږي.
هېواد کې د برښنايي پېژندپاڼو یوشمېر غوښتونکي وايي چې د پېژندپاڼو ترلاسه کولو لپاره یې، په میاشتو انتظار کړی او اوس یې چې ترلاسه کړي، املايي او نورې تېروتنې لري.
د کابل د خیرخانې سیمې اوسېدونکې امنه وايي چې برښنايي پېژندپاڼه کې یې، د تېروتنو له امله تحصیلي سندونه له ستونزو سره مخ شوي دي.
د پکتيا زندان رییس قاري عبدالغني عادل د يادو پروژو د پرانيستې مراسمو کې وويل چې د زندان په داخل کې د يو مسجد په ګډون د يو نوي تعمير جوړيدل، د پخوانيو تعميرونو ترميم، د زندان لپاره برښنا ترانسفرمر لګول، د زندانيانو سره د ملاقات لپاره ځانګړي ځایونو جوړول او د تشنابونو جوړول پروژې بشپړې او ګټېاخيستنې ته سپارل شوي دي.
د خوست ولایت مقام څخه په خپره شوې خبرپاڼه کې ویل شوي چې د چاپېریال ساتنې ریاست نظارتي ټیم له لوري د شنې قطعې په همکارۍ د مرغانو خرڅلاو بازار څخه د نظارت په ترڅ کې، یوه غرنۍ بیزو او درې وزره وحشي مرغان غرنیزو سیمو کې بېرته خپل طبيعي چاپېریال ته خوشې شوې دي.
