د غزني ولایتي روغتون چې د څلوېښتو کلونو پخوانۍ ودانۍ او زړه نقشه لري، هره ورځ د سلګونو ناروغانو کوربه دی. د ماشومانو، داخله، جراحي او زېږنتون څانګې په دې روغتون کې تر ټولو زیات ناروغان لري.
د بلخ ځایي مسوولان وایي چې اوزبیکستان سره د سوداګریزو اړیکو د پراختیا په موخه، په دې ولایت کې د افغان او اوزبیکستاني سوداګرو ترمنځ ګډه ناسته جوړه شوې ده.
د یاد ولایت د سوداګرۍ او پانګونې خونې مرستیال، هارون رشید قاضي، وایي چې دغه ناسته د «دواړو هېوادونو ترمنځ د سوداګریز تواصل» تر سرلیک لاندې پرون یکشنبه، سلواغې ۲۶مه، مزارشریف ښار کې جوړه شوې وه.
یاد نندارتون د حرکت موسسې له لوري دUNDP په مالي ملاتړ جوړ شوی چې پهکې کرنیز او د مالدارۍ محصولات، کرنیز ماشینونه، طبي بوټي، د څارويو خوراکي توکي او نور تولیدات په څه باندې سلو غرفو کې نندارې ته وړاندې شوي دي.
د چارواکو په وینا، د دغه نندارتون به درې ورځې دوام وکړي.
یاد وزارت یکشنبه (سلواغې ۲۶مه) په خپره شوې خبرپاڼه کې ویلي چې دا کسان د بدخشان په ولسوالیو شهربزرګ، یاوان، کوهستان، راغستان، خواهان او ارغنجخواه کې د سرو زرو د کانونو په استخراج او ورسره تړلو تخنیکي چارو کې فعالیت کوي.
د پاکستان په کراچۍ ښار کې د افغانستان کنسولګرۍ اعلان کړی چې ۱۰۵ افغان وګړي د دغه هېواد له زندانونو خوشې شوي او بېرته هېواد ته راستانه کړل شوي دي.
یادې کنسولګرۍ نن سهار (دوشنبه، سلواغې ۲۷مه) پر خپله اېکسپاڼه لیکلي چې خوشې شوي کسان د کندهار د سپینبولدک ولسوالي له لارې افغانستان ته داخل شوي.
د ملي دفاع وزیر محمدیعقوب مجاهد له افغانستان څخه د پخواني شوروي اتحاد د ځواکونو د وتلو ۳۷مې کلیزې په مناسبت جوړې شوې غونډې ته ویلي چې نه د چا غلامي مني او نه هم د چا فرمایشات منلی شي.
مجاهد په دې غونډه کې ټينګار وکړ چې افغانستان یو خپلواک هېواد دی او پلمه لټونکي هېوادونه باید د ستونزو له رامنځته کولو ډډه وکړي او په وینا یې، دا ستونزې د هېڅ لوري پر ګټه نهلري.
اسلامي امارت د پخواني شوروي اتحاد د ماتې ورځې په مناسبت په یوې خبرپاڼه کې دغه ورځ تاریخي ویاړ بللی دی.
په خبرپاڼه کې ویل شوي چې په تېرو سلو کلونو کې درېيم ځل هم افغانستان نوی له اشغال څخه ازاد شوی دی او ټینګار یې کړی چې افغانان د خپل دین د ساتنې او مستقل اوسیدو لپاره کلک هوډ او تعهد لري.
په افغانستان کې د ملګروملتونو د اسکان بشر پروګرام ویلي چې د روان میلادي کال په ترڅ کې شاوخوا ۴.۲ میلیونه کسان سرپناه ته اړتیا لري.
د ملګروملتونو د بشري هستوګنې پروګرام «UN-Habitat » نن یکشنبه، سلواغې ۲۶مه، ټینګار کړی چې یاد کسان یوازې سرپناه ته نه، بلکې غیرخوراکي توکو ته هم بېړنۍ اړتیا لري.
پکتیکا کې راستنو شویو، داخلي بېځايه شويو او بېوزله ۱۰۰۰ کورنیو ته د خوراکي توکو مرسته وېشل شوې
د یاد ولایت د کډوالو او راستنېدونکو چارو ریاست مسوولان وايي چې د یوې خیریه موسسې په تخنيکي همکارۍ د سعودي د وليعهد ملک سلمان خیریه بنسټ له لوري دغه مرسته، په راستانه شویو، داخلي بېځایه شویو او اړمنو وېشل شوې ده.
نن د سلواغې ۲۶مه/ فبرورۍ ۱۵مه له افغانستان څخه د پخواني شوروي اتحاد د سرو ځواکونو د وتلو له ۳۷مې کلیزې سره برابره ده.
په همدې ورځ د پخواني شوروي ځواک وروستی سرتېری له افغانستان څخه ووت او د افغانانو پر وړاندې نږدې لس کلنه جګړه پای ته ورسېده.
دا ورځ هرکال د هېواد دننه د ازادۍ د ورځې په توګه نمانځل کېږي.
په داسې حال کې چې ملګروملتونو د ګاونډیو هېوادونو څخه د راستنېدونکو د ناوړه بشري وضعیت په اړه اندېښنه ښودلې، یوشمېر راستانه شوي کسان شکایت کوي چې بشري مرستې ورته بسنه نه کوي.
یاد کمېسیون نن شنبه، سلواغې ۲۵مه ویلي چې ۱۰ کورنۍ د نیمروز د ابریشم پله له لارې، ۹ کورنۍ د هرات د اسلامقلعه له لارې، ۴۴ کورنۍ د کندهار د سپینبولدک له لارې، ۶۲۱ کورنۍ د ننګرهار د تورخم له لارې او ۸ کورنۍ د هلمند د بهرامچې له لارې هېواد ته ستنې شوې دي.
۳۴کلنه رویا محمدي چې د کابل اوسېدونکې ده، وایي، په خپل نوښت او زیار یې، شاوخوا ۳۰ نورو مېرمنو ته د خیاطي برخه کې د کار او زدهکړې زمینه برابره کړې ده.
نوموړې له ۵زرو افغانیو څخه خپل کار پېل کړی و چې اوس يې د عاید کچه شاوخوا یو میلیون افغانیو ته رسېږي.
په تخار کې یوشمېر ډاکټران وايي چې د اومېندوارۍ اړوند مراقبتونو او درملیزو خدمتونو نشتوالی لامل شوی چې مېرمنې د جنین پر هیدروسیفالي ناروغۍ اخته شي.
په ورته مهال د ډاکټرانو په وینا، د مېرمنو ناپوهي او د اومېندوارۍ اړوند مراقبتونو ته نه پاملرنه د دې لامل شوې چې ځینې مېرمنې پر هیدرسیفالي ناروغۍ اخته جنین نړۍ ته راوړي.
که څه هم د فقهې او شریعت چارو پوهان او دیني عالمان وايي چې د حنفي فقهې له مخې، عاقله او بالغه مېرمن کولای شي چې د اسلام شرعي احکامو په مراعتولو سره له کور بهر کار وکړي، خو یوشمېر مېرمنې سلاموطندار ته وايي چې د کورنۍ له لوري دوی ته د کارکولو حق نهورکول کېږي.
د سره صلیب نړیوالې کمېټې د افغانستان څانګې (ICRC Afghanistan) اعلان کړی چې په تېر میلادي کال کې یې له ۲۱۸زرو څخه ډېرو معلولیتلرونکو کسانو ته د فزیکي بیارغونې خدمتونه وړاندې کړي دي.
د سره صلیب نړیوالې کمېټې پر خپله اېکسپاڼه لیکلي: «د تحرک بېرته ورګرځول، د کرامت بېرته ورګرځول دي.»
