تورخم لویه لاره چې پخوا به پرې هره ورځ د سلګونه بار وړونکو موټرو تګراتګ کېده، له تېرو نږدې درېوو میاشتو راهیسې د پاکستان له لوري تړل شوې؛ خو د دغې لارې له تړلکېدو سره سره، بیا هم په ننګرهار کې پر تازه سبزیجاتو یې کوم منفي اغېز نهدی کړی.
د لوګر د عامې روغتیا ریاست مسوولان وایي چې د دغه ولایت په مرکز پلعلم او ولسوالیو کې نږدې څلور زره کسان په رضاکارانه ډول د مور او ماشوم روغتیايي خدمتونه وړاندې کوي.
په لوګر کې د روغتیايي رضاکارانو د ستاینې په موخه جوړې شوې غونډه کې، د ولایت سیمهییزو مسؤولینو، روغتیاپالانو او د همکارو بنسټونو استازو ګډون کړی و.
د اسلامي امارت د بهرنیو چارو وزیرامیرخان متقي کابل کې د افغانستان لپاره د امریکا پخواني ځانګړي استازي زلمي خلیلزاد سره لیدلي دي.
په دغه لیدنه کې د کابل او واشنګټن ترمنځ د دوه اړخیزو اړیکو د پراختیا پر لارو چارو، فرصتونو او ستونزو هر اړخیزې خبرې شوې دي.
د جوزجان ځایي مسوولان وايي چې د کورنيو محصولاتو او توليداتو درې ورځنی ملي نندارتون پرون یکشنبه، مرغومې اوومه، د دغه ولايت په مرکز شبرغان ښار کې پیل شوی دی.
دغه نندارتون د «سيکارام احمدي» د بازارموندنې خدماتي شرکت او د «حقمل» د نندارتونونو خدماتي شرکت له لوري، د صنعت او سوداګرۍ وزارت په همکارۍ، جوړ شوی دی.
لغمان یو له هغه ولایتونو څخه دی چې تر ځمکې لاندې اوبه یې په کمېدو دي او اوسېدونکي يې له ګڼو ستونزو سره مخ شوي دي.
د یاد ولایت باباصیب کمپ یو له هغه سیمو څخه دی چې د څښاک اوبه پهکې په سختۍ سره پیدا کېږي او تر ځمکې لاندې اوبه یې تُرشې او د څښلو وړ نهدي.
د نړيوال بانک په مالي ملاتړ د پروان د شينواري ولسوالي په يوشمېر کليو کې د اوبو رسولو پروژې پلې کېږي.
د پروان د کلیوبیارغونې او پراختیا رياست د مطبوعاتو مسوول عبدالصبور رویت نن دوشنبه، مرغومې اتمه، سلاموطندار ته وويل چې دغه پروژې د شينواري ولسوالي د قلعه محمود او چلما کليو کې پلې کېږي.
په لوګر کې له نشې روغ شوي ۱۲۵ کسانو ته، د پېښو پر وړاندې د مبارزې ریاست په هڅو، د AYSO موسسې تر چتر لاندې او دUNDP په مالي ملاتړ نغدي مرستې او د حرفو د پرمخ وړلو وسایل ووېشل شول.
د ژمي موسم په رارسېدو او د واورو او بارانونو له پیل سره، د هېواد د بېلابېلو سیمو اوسېدونکي د بشري مرستو کمېدو له امله د خپل د ژوند او شرایطو د لا سختېدو خبره کوي.
دوی وایي، د کورنیو د لومړنیو اړتیاوو برابرولو برخه کې له جدي ننګونو سره مخ دي.
رُستاق ولسوالي چې ۱۸۳ کلي او شاوخوا ۳۰۰زره نفوس لري، د تخار ولایت شمال ته پرته ولسوالي ده چې اوسیدونکي یې د ولسوالي مرکز ته د رسېدو لپاره ساعتونه مزل وهي.
د رُستاق ولسوالي یوشمېر اوسېدونکي د ولسوالي په مرکزي روغتون کې د درملنې د چارو له ځنډ او د روغتیايي خدماتو له کمښت څخه شکایت کوي.
د بهرنیوچارو وزارت ویاند عبدالقهار بلخي نن یکشنبه، مرغومې اوومه پر خپله اېکسپاڼه یوې خپره کړې خبرپاڼه کې لیکلي چې دغه وزارت د اسراییلي رژیم له لوري له سومالیا فدرالي جمهوریت څخه د «سومالیا لنډ» نومي سیمې د بېلتون د ملاتړ موضوع په کلکه غندي.
د خوست ښاروالي څخه په خپره شوې خبرپاڼه کې ویل شوي چې د خوست ښار کې د ښاري نظم د ټینګښت په موخه د لاسي کوچنیو کاروباریانو د اېستلو لړۍ پیل کړې ده.
د خبرپاڼې له مخې، د ښاري نظم کمیسون له لوري هغه کوچني کاروباريان چې په واټونو او پلیو لارو کې به یې، توکي خرڅول، يوه ټاکلي ځای ته لېږدول کېږي.
د لوګر د صنعت او سوداګرۍ ریاست مسوولان وايي چې د محمداغې ولسوالي په صنعتي پارک کې ۸۵ تولیدي او صنعتي شرکتونه خپل فعالیتونه پيلوي او د دغو شرکتونو د فعالیت په موخه تازه ۵۰۰ جریبه ځمکه هم ورته وېشل شوې ده.
یوشمېر کورنۍ چې څو میاشتې وړاندې له پاکستان او ایران څخه کندوز ته راستنې شوي، اوس له ګڼو اقتصادي ستونزو سره مخ دي او د ژوند لومړني امکانات نهلري.
د اوزبیکستان د احصایې ملي کمیټې په تازه راپور کې ویل شوي چې افغانستان ته د دغه هېواد صادرات په ۲۰۲۵ کال کې یو میلیارد او ۳۰۰ میلیونه ډالرو ته رسېدلي دي.
د معلوماتو له مخې، په داسې حال کې چې دا اندازه په ۲۰۲۴ کال کې ۹۲۱ میلیونه ډالر وه.
د کابل ښاروالي مسوولان وایي چې د ښار په کچه د «لارښود لوحو» له لګولو وروسته به د دغو لوحو معلومات په ګوګل ماپس کې هم اضافه شي، څو خلک وکولای شي خپل مطلوب ځای په اسانه توګه پیدا کړي.
د کابل ښاروالي د مسوولانو د څرګندونو له مخې، دا بهیر چې تېرکال پیل شوی، تراوسه د ښار په ۱۵ ناحیو کې د لارښود لوحې لګول شوي دي.
پر افغانستان د پخواني شوروي اتحاد د یرغل د ۴۶مې کلیزې په مناسبت د اسلامي امارت حکومت وايي چې د نړۍ هېڅ مغرور ځواک دې د افغانستان د خلکو ایمان، ننګ او ارادې شک ونهلري.
نن د جدي یا مرغومې شپږمه پر افغانستان د پخواني شوروي اتحاد له ۴۶مې کلیزې سره برابره ده.
