د ایران د بهرنیو چارو وزیر سیدعباس عراقچي، د امریکا د ولسمشر د وروستیو ګواښونو په غبرګون کې ویلي چې د دې هېواد ځواکونه «ګوته په ماشه» دي او د ایران پر وړاندې د هر ډول تېري په صورت کې به «سمدستي او په پوره ځواک» ځواب ورکړي.
د ایران د قضایي ادارې د مطبوعاتو د خبر له مخې، دغه هېواد نن چهارشنبه، جنورۍ ۲۸مه، د حمیدرضا ثابت اسماعیلپور په نوم یو کس اسراییلو ته د جاسوسۍ په تور په اعدام محکوم کړی دی.
حمیدرضا ثابت اسماعیلپور د ۲۰۲۵کال د اپرېل په ۲۹، نیول شوی و او وروسته د جاسوسۍ او د اسراییلو استخباراتي ادارې (موساد) سره د معلوماتو او محرمو سندونو د شریکولو په تور د ایران د سترې محکمې له تایید وروسته د قانوني پروسیجرونو له مخې ځړول شوی دی.
ټاکل شوې چې د سوریې ولسمشر احمد الشرع نن چهارشنبه، د کب اتمه، د یوه رسمي سفر په ترڅ مسکو ته لاړ شي.
نوموړی به د یاد سفر پرمهال د روسیې ولسمشر ولادېمیر پوتین سره وویني او د بېلابېلو موضوعاتو په اړه به خبرې وکړي.
د اوکراین چارواکو اعلان کړی چې د روسیې د هوايي بریدونو له امله چې د پلازمېنې کېیف شاوخوا سیمې یې په نښه کړي، یوشمېر کسان وژل شوي او ټپیان دي.
د امریکا په ۱۴ ایالتونو کې د تېرو څو ورځو واورو، توفانونو او سړې هوا له امله د مړو شویو کسانو شمېر ۳۸ ته لوړ شوی.
د راپورونو پراساس، ۱۰ کسان یوازې په نیویارک ښار کې، چېرته چې تودوخه په تېرو اتو کلونو کې تر ټولو ټیټې کچې ته رسېدلې وژل شوي.
امریکايي چارواکو ویلي، ښايي د مړینو شمېر نور هم لوړ شي.
د امریکا د چپ جوړولو شرکت مایکرون ټکنالوژي اعلان کړی چې په سنګاپور کې د ۲۴ میلیارده ډالرو په ارزښت د چپ جوړولو نوې کارخونه جوړوي.
دا اقدام په داسې حال کې کېږي چې د چپونو له جدي نړیوال کمښت سره د مقابلې لپاره د تولید د زیاتولو سیالي روانه ده.
د اندونیزیا د طبیعي پېښو د مخنیوي ادارې اعلان کړی چې په دغه هېواد کې د ځمکې ښووېیدنې له امله د قربانیانو شمېر ۲۰ کسانو ته لوړ شوی او ۴۲ نور کسان لا هم نادرکه دي.
یو امریکايي چارواکي وايي، که ایران له واشنګتن سره د تماس غوښتنه وکړي، دغه هېواد له تهران سره د «همکارۍ او خبرو» لپاره چمتو دی.
رویټرز خبري اژانس نن سهشنبه (د سلواغې ۷مه / د جنورۍ ۲۷مه) د دغه امریکايي چارواکي له قوله راپور ورکړی چې ایران د خبرو له شرایطو خبر دی او پوهېږي چې په احتمالي مذاکراتو کې به کوم موضوعات مطرح کېږي.
د ملګروملتونو د بشري مرستو د همغږۍ دفتر (اوچا) د افغانستان څانګې اعلان کړی چې د ناروې حکومت افغانستان ته ۹۹۰زره امریکايي ډالره مرسته کړې ده.
اوچا نن سهشنبه، (د سلواغې ۷مه) پر خپله اېکسپاڼه لیکلي چې دا مرسته به په افغانستان کې د بېړنیو بشري بحرانونو د مدیریت او ځواب ویلو لپاره ولګول شي.
د برتانیې لومړی وزیر کيیر سټارمر سهشنبه چین ته سفر کوي، ترڅو د نړۍ له دویم لوی اقتصاد سره اړیکې ورغوي. نړیوالو رسنیو نن سهشنبه
د امریکا بېلا بېلو ایالتونو کې د تېرو څو ورځو واورو، توفانونو او سړې هوا له امله ۲۸ کسان مړه شوي.
د راپورونو پراساس، امریکايي چارواکو خبرداری ورکړی چې ښايي د مړینو شمېر نور هم لوړ شي.
همدارنګه د واورو او توفانونو په دلیل امریکا کې ۱.۵ میلیون کسانو او سوداګریزو مرکزونو ته برښنا قطع شوې.
چارواکو ویلي چې ښايي په سلګونه زره نورو کسانو هم برښنا پرې شي، نو په دې توګه یې غوښتنه کړې چې د برښنا او ګاز دواړو کارول کم کړي.
په منځني ختیځ کې د ابراهام لینکن د الوتکو وړونکې بېړۍ ځای پر ځای کېدل او د امریکا لهخوا خلیجي هېوادونو سره ګډ پوځي تمرینونه، پر ایران د امریکا د احتمالي برید سناریو تر بل هر وخت پیاوړې کړې.
د امریکا ولسمشر ډونالډ ټرمپ ویلي، ایران تر څار لاندې لري او یوه لویه پوځي بېړۍ یې د ایران پر لور لېږلې ده.
د اوکراین او روسیې ترمنځ دوه ورځنۍ خبرې چې د متحده عربي اماراتو په ابوظبي کې د امریکا په منځګړتوب وشوې، بې له دې چې کوم تړون یا موافقه ترلاسه شي، پای ته ورسېدې.
د امریکا په ډېرې برخو کې د «فیرن» په نوم د تاریخي ژمني توپان له امله څه باندې ۴۰۰۰ الوتنې لغوه شوې او د یکشنبې لپاره نږدې ۹۴۰۰ نورې هم ځنډول شوي دي.
دغه توپان چې د ټکساس له لوېدیځ تر ختیځ پورې پراخېدونکی دی، تراوسه د شاوخوا ۲۳۰۰۰۰زره خلکو برښنا پرې کړې ده.
امریکايي غرختونکی الېکس هونولډ د تایوان د تایپي ۱۰۱ لوړې ودانۍ ته بې له کومې رسۍ او یا د خوندیتوب وسایلو څخه ختلی دی. زرګونه نندارچیان د ودانۍ شاوخوا راټول شوي وو او د چکچکو او لاس ښورولو له لارې یې د هغه ملاتړ کاوه.
طبي سرچینو ویلي چې د غزې شمالي سیمه کې د اسراییلو د ډرون برید پرمهال د یوې کورنۍ دوه ماشومانو خپل ژوند له لاسه ورکړی دی.
ویل کېږي ماشومان د یوې کورنۍ غړي وو او هغه مهال په نښه شوي چې د کمال عدوان روغتون ته نږدې یې لرګي راټولول.
