یوګاندا کې پولیس وايي چې د دغه هېواد په ختیځ کې د ځمکښوویېدنې له امله د وژل شویو کسانو شمېر ۲۸ ته لوړ شوی دی.
پېښه نږدې یوه اوونۍ وړاندې شوې چې د پولیسو په وینا، لاهم یوشمېر کسان ورک دي.
اسټرالیا کې پولیس وايي چې د دغه هېواد په تاریخ کې تر ټولو په زیاته اندازه کوکاین او په تړاو یې، ۱۳ کسان نیول شوي دي.
د نیول شویو کوکاینو اندازه ۲.۳ ټُنه ښودل شوې چې ارزښت یې، ۷۶۰ میلیونه اسټرالیايي ډالرو ته رسېږي.
د ځیرک ټیلیفونونو چینايي «هوواوې» شرکت مسوولان وايي چې د دغه شرکت نوی ځیرک ټیلیفون «Mate70» چین کې د پام وړ پلورونکي نهلري.
چین کې د هوواوې «Mate70» ټیلیفون ته د پېردونکو د پام نهوراوښتو له امله دغه هېواد کې اپل شرکت ته د بازار د ګټې اړولو وېره زیاته شوې.
د سوریې په شماللوېدیځ کې د یاد هېواد او روسیې جېټالوتکو د هوايي بریدونو له امله ۲۵ کسان وژل شوي دي.
د سوریې د حکومت مخالف بنسټ چې د «سپینې خولۍ» په نوم یادېږي او د ژغورنې خدمات وړاندې کوي، نن دوشنبه ډسمبر دویمه ویلي، دغه کسان د سوریې او روسیې په هوايي بریدونو کې وژل شوي دي.
د پاکستان خېبرپښتونخوا ایالت په کُرمه د فرقهییزو نښتو له امله د وژل شویو کسانو شمېر له ۱۳۰ اوښتی دی.
ځایی چارواکو وايي، د تېرې اونۍ په وروستیو کې د لنډمهاله اوربند سره سره لاهم نښتې کېږي. چارواکي لاهم هڅه کوي، څو دې نښتو ته د حل لاره ولټوي.
غزه کې د اسراییلي ځواکونو د هوايي بریدونو له امله لږ تر لږه ۴۰ کسانو خپل ژوند له لاسه ورکړی دی.
هوايي بریدونه د غزې ښار شمال جبالیه کډوالو کمپ کې شوي دي. دغه کسان تېر ماښام د اسراییلو له لوري د یوې شپږ پوړیزې ودانۍ په نښه کولو سره خپل ژوند له لاسه ورکړی دی.
غزه کې د اسراییلو د روانو بریدونو پرمهال تازه د غزې په بېلابېلو سیمو کې د بمباریو له امله ۱۷ کسانو خپل ژوند له لاسه ورکړی دی.
شپږ کسان د غزې شمال د بیتالاهیا د کمال ادوان روغتون ته څېرمه پر کورونو د شویو هوايي بریدونو پرمهال وژل شوي دي.
سوریه کې د حکومتي ځواکونو او وسلهوالو ترمنځ د نښتو پرمهال څه باندې ۱۰۰ کسان وژل شوي او لسګونه نور ټپیان دي.
برېټانیا کې مېشت د سوریې د بشرحقونو څار ډله وايي چې د سوریې شمال حلب ښار کې د امنیتي ځواکونو او وسلهوالو د نښتو له کبله دواړو لوریو ته درنه مرګژوبله اوښتې او شاوخوا سل کسان وژل شوي دي.
سوېليکوریا کې د دویمې پرلهپسې ورځې لپاره د واورې اورښت الوتنې ځنډولي او د څلور کسانو د مړینې خبر هم ورکړل شوی دی.
له ۱۹۰۷ کال راهیسې د سوېليکوریا پلازمېنه سېول کې دا د ریکارډ کچې واوره بلل کېږي چې له امله شاوخوا ۱۴۰ پروازونه خڼډېدلې دي.
غزه کې روغتیايي چارواکي وايي چې د اسراییلو د بریدونو له امله یوازې د یوې ورځې پرمهال ۱۵ کسانو خپل ژوند له لاسه ورکړی دی.
په وژل شویو کې د حماس مخکیني ویاند دوه زامن هم شامل دي. ډېری کسانو پر یوه ښوونځي د شوي برید پرمهال وژل شوي دي.
د اسراییلو پوځ وايي چې له لبنان څخه د حزبالله ډلې شاوخوا ۳۴۰ توغندي توغولي چې پرمهال یوولس کسان ټپیان شوي او مالي زیانونه یې، هم اړولې دي.
د اسراییلو د پوځ راډیو د معلوماتو له مخې، ډېری توغندي په تلابیب ښار کې لګېدلي چې ویجاړۍ یې هم رامنځته کړي دي.
د اروپايي ټولنې د بهرني سیاست مسوول جوزېپ بورل ویلي چې د اروپايي ټولنې غړي هېوادونه مکلف دي چې د اسراییلو د لومړي وزیر بنیامین نتانیاهو او د دغه هېواد د دفاع پخواني وزیر یواف ګالانت د نیولو په اړه د کیفري نړیوالې محکمې حکم عملي کړي. رویټرز خبري اژانس راپور ورکړی چې بورل دا خبرې پرون-د لیندۍ درېیمه، د شنبې ورځ قبرس ته د سفر پر مهال کړي دي.
د اوکراین هوايي پوځ وايي چې روسیې د لومړي ځل لپاره اوکراین د لویو وچو ترمنځ د واټن وهونکي بالېستیک توغندي باندې وېشتلی دی.
پوځ په وینا، دا لومړی ځل دی چې روسیه په روانه جګړه کې له ورته توغندي استفاده کوي.
کېیف کې د امریکا سفارت وايي چې پر اوکراین د روسیې پراخو هوايي بریدونو معلومات یې، ترلاسه کړي او دوی اړ شوي چې خپل سفارت په لنډمهاله توګه وتړي.
غزه کې د اسراییلي ځواکونو د روانو بریدونو پیل راهیسې تر دې مهاله د وژل شویو سرتېرو شمېر ۷۹۹ ته لوړ شوی دی.
د اسراییلو پوځ وايي چې غزه کې د نښتو پرمهال یې یو سرتېری وژل شوی چې ورسره غزه کې د وژل شویو اسراییلي سرتېرو شمېر ۷۹۹ کسانو ته رسېدلی دی.
په برازیل کې په نړیواله کچه د لوږې مخنیوي په موخه د جي۲۰ هېوادونو د مشرانو دوهورځنۍ غونډه جوړه شوه. د جي۲۰ ډلې مشران وايي، په نړۍ کې باید حکومتي بنسټونه اصلاح شي او د نړۍ پر میلیارډرانو باید محدودیتونه ولګول شي. د جي۲۰ غونډې په پای کې له لوږې سره د مبارزې لپاره یو نړیوال اېتلاف هم جوړ شو.
