د مالیزیا لومړی وزیر انور ابراهیم وايي چې د فلسطیني وګړو پروړاندې د روانې نسلوژنې پای ته رسولو لپاره دې، پر اسراییلو تسلیحاتي بندیزونه ولګول شي.
نوموړي دغه څرګندونې د عرب ټولنې او اسلامي همکاریو سازمان په غونډه کې کړې. دغه غونډه د سعودي عربستان په کوربهتوب روانه ده.
د غزې په بېلابېلو سیمو کې د تېرې دوو ورځو پرمهال د اسراییلو د هوايي او ځمکنو بریدونو له امله ۳۷ کسانو خپل ژوند له لاسه ورکړی دی.
روغتیايي چارواکي وايي چې د دوشنبې پر ماښام د غزې سوېليښار په خانیونس ته نږدې په یوه کافه کې د اسراییلو د برید له امله اووه کسانو خپل ژوند له لاسه ورکړ.
یمن کې د حوثیانو ویاند یحی سرېع وايي چې پر اسراییلو یې، توغندیز برید کړی او یو پوځي مرکز یې، په نښه کړی دی. د
د امریکا ټاکل شوي ولسمشر ډونالډ ټرمپ د روسیې له ولسمشر ولادیمیر پوتین سره ټیلیفوني خبرو کې نوموړي ته مشوره ورکړې چې د اوکراین جګړه نوره ونهغځوي.
له یادې ټیلیفوني اړیکې یوې باخبرې سرچینې رویټرز ته ویلي، دغه خبرې داسې مهال شوي چې ولسمشر جوبایډن غواړي، ټرمپ وهڅوي، څو له کېیف ملاتړ وکړي.
د رییسالورزا سیاسي مرستیال او د اروپايي ټولنې شارژدافیرې د افغانستان او اروپايي ټولنې د اړیکو پر پیاوړتیا ټینګار کړی.
د افغانستان لپاره د اروپايي ټولنې د سفارت شارژدافیرې رونیکا بوسویکپوهار د ریاستالوزرا له سیاسي مرستیال محمدعبدالکبیر سره په لیدنه کې د افغانستان او اروپايي ټولنې د اړیکو پر پیاوړتیا ټینګار کړی دی.
د بشري حقونو څار بنسټ وايي چې موزامبیک کې د ولسمشریزو ټاکنو پر سر د رامنځته شویو تاوتریخوالو له امله ۳۰ کسان وژل شوي دي.
د یاد بنسټ په وینا، دغه کسان د اکتوبر له ۱۹مې د نومبر تر شپږمې وژل شوي دي.
د امریکا عدلیې وزارت وايي چې ایران د یاد هېواد ولسمشریزو ټاکنو پرمهال د ډونالډ ټرمپ د وژلو لپاره یو افغان وګړی ګومارلی و.
دغه وزارت جمعه، نومبر اتمه ویلي چې یاد کس د ایران د سپاهپاسداران یوه مامور له لوري د ټرمپ ترور لپاره روزل شوی و.
د پاکستان په بلوچستان ایالت کې د بمي چاودنې له امله ۲۱ کسان وژل شوي او ۳۰ نور ټپیان شوي دي. پېښه نن شنبه، د نومبر نهمه «لړم ۱۹مه» د بلوچستان ایالت د کوېټې ښار د اورکاډي په تمځای کې شوې.
پاکستاني رسنیو د بلوچستان د پولیسو مشر محمدبلوڅ له قوله ویلي، چاودنه هغه مهال شوې چې یو اورګاډی له کوېټې څخه پېښور ښار ته روان و.
د ملګرو ملتونو د نفوس صندوق «UNFPA» له لوري په خپور شوي راپور کې ویل شوي چې نړۍ کې هره ورځ شاوخوا ۲۰زره کم عمره مېرمنې زېږون کوي.
په راپور کې همداراز راغلي چې هر کال ۷۰زره تنکي ځوانان مخ پر ودې هېوادونو کې د اومېندوارۍ پرمهال د اختلاطاتو له امله مړه کېږي.
د پاکستان د خېبرپښتونخوا ایالت په سوېلي وزیرستان کې له وسلهوالو سره د نښتو پرمهال څلور پاکستاني سرتېري وژل شوي دي.
د پاکستان د پوځ رسنیو څانګې په یوې خبرپاڼه کې ویلي چې دغه سرتېري له وسلهوالو سره په نښته کې وژل شوي.
غزه کې د اسراییلو د مرګونو بریدونو او کلابندۍ پرمهال څه باندې ۵۰ کسانو خپل ژوند له لاسه ورکړی دی.
بریدونه له تېرې ورځې راهیسې د غزې پر بېلابېلو سیمو شوي چې د یادو قربانیانو سربېره، پهکې ګڼشمېر کسان ټپیان شوي هم دي.
لبنان کې د اسراییلو د هوايي او ځمکنیو عملیاتو په لړ کې د تېرې یوې شپې او ورځې پرمهال ۵۲ کسانو خپل ژوند له لاسه ورکړی دی.
د راپورونو له مخې، بریدونه ډېری د لبنان پلازمېنې بېروت سوېل او د دغه هېواد کې شمال کې شوي دي.
د روسیې ولسمشر ولادېمیر پوتین د امریکا په ولسمشریزو ټاکنو کې ډونالډ ټرمپ ته د بریا مبارکي ترڅنګ، د دواړو هېوادونو له لوري د خبرو لپاره چمتووالی ښودلی دی.
د ټرمپ له بریا وروسته د لومړي ځل لپاره پوتین د هغه په اړه وینا کې هغې پېښې ته اشاره کړې چې، د ټاکنیز کمپاین پرمهال د نوموړي د ترور هڅه وشوه.
غزه کې د اسراییلو د روانو عملیاتو په لړ جبالیه سیمه کې د نښتو پرمهال ۵۰ کسان خپل ژوند له لاسه ورکړی دی.
اسراییلو د روانو عملیاتو په اړه په تازه خپرو کړیو عملیاتو کې ویلي چې جبالیه کې د دوی د پوځ د ۱۶۲مې څانګې عملیات او نښتې روانې دي.
د لبنان د پلازمېنې بېروت ښار په بېلابېلو سیمو کې د اسراییلي ځواکونو د بمباریو له امله ۴۰ کسانو خپل ژوند له لاسه ورکړی او ۳۵ نور ټپیان دي.
بمبارۍ بېګاه شپه د بېروت د بېکا او بالبېک اړوند سیمو کې شوې دي.
عبدالقهار بلخي پر خپله اېکسپاڼه لیکلي: «ا.ا د متوازن بهرني سیاست په رڼا کې د امریکا د ټاکنو د پايلو له راڅرگندېدلو سره هیله لري چې د امريکا راتلونکې اداره واقعبینانه گامونه پورته کړي، څو د دواړو هېوادونو ترمنځ په اړیکو کې ملموس پرمختگ رامنځ ته شي او دواړه هېوادونه وکولای شي د متقابل تعامل په رڼا کې د اړیکو نوی څپرکی پرانیزي.»
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
