د شل اووره سیالیو نړیوال جام کې نن سهشنبه، فبرورۍ لسمه، د نیدرلنډ کرېکټ ملي لوبډلې په اوو وېکټو نمیبیا ته ماته ورکړه.
په دې لوبه کې لومړی نمیبیا توپوهنه وکړه او په ټاکل شویو شلو اورونو کې یې، د اتو لوبغاړو په سوځېدو سره ۱۵۶ منډې جوړې کړې.
د فضایي ټکنالوژۍ شرکت سپیسایکس مشر اېلن ماسک اعلان کړی چې یاد شرکت هوډ لري چې سپوږمۍ کې «په ځانبسیا ښار» جوړ کړي.
ماسک ویلي، دغه پروژه ښايي په لسو کلونو کې عملي شي. هغه پر«ایکس» یوه پیغام کې ویلي، که څه هم هڅې د مریخ لپاره هم دوام لري، خو په وینا یې، لومړیتوب د تمدن راتلونکي تضمین دي او ټول تمرکز یې، پرسپوږمۍ دی.
د چین په ختیځ شاندونګ ولایت کې د سرو زرو په یوه کان کې د خونړۍ پېښې له امله لږترلږه اووه کسان وژل شوي دي.
دا پېښه د شنبې په ورځ هغه مهال رامنځته شوه چې د کان دننه د کانکیدونکو د لېږد کاډۍ هغې ژورې څاه ته ولوېده چې کارکوونکي پر کار بوخت وو.
د غزې ښار په لوېدیځه سیمه کې پر یوه کور د اسراییلو د هوايي بریدونو پرمهال څلور فلسطینیانو خپل ژوند له لاسه ورکړی دی.
الجزیرې خبري شبکې نن سهشنبه، فبرورۍ ۱۰مه، راپور ورکړی چې دغه برید پر یوه هستوګنیز کور شوی دی.
امریکا سیمه کې خپلو کښتیو ته نوې لارښوونې صادرې کړي او له دوی یې غوښتي چې د واشنګټن او تهران ترمنځ د کړکېچ په ترڅ
د هند او سریلانکا په کوربهتوب د روان شل اووره سیالیو نړیوال جام کې نن سکاټلنډ لوبډلې د ۷۳ منډو په توپیر اېټالیا ته ماته ورکړه.
دغه سیالي چې نن له غرمې مخکې پیل شوه، سکاټلنډ لومړی توپوهنه وکړه او په ټاکل شویو شلو اورونو کې یې، د څلور لوبغاړو په سوځېدو ۲۰۷ منډې جوړې کړې.
د لبنان د ملي خبري اژانس راپور ورکړی چې د لټون او ژغورنې عملیاتو تر پای ته رسېدو وروسته، د لبنان په شمالي ښار طرابلس کې د هستوګنیزو ودانیو د نړېدو له امله د مړو شمېر ۱۴ کسانو ته رسېدلی دی.
د اسراییلو امنیتي–سیاسي شورا له هغو اقداماتو سره هوکړه وکړه چې له مخې یې په اشغال شوې لوېدیځه غاړه کې د ښارګوټمېشتو لهخوا د ځمکو پېر اسانه کېږي او د فلسطینیانو پر وړاندې اسراییلي چارواکو ته پراخ اجرایي واکونه ورکوي.
وروسته له هغې چې امریکا او ایران د اټومي خبرو د دوام ژمنه وکړه، ورسره هممهاله نړۍ کې د تېلو بیې یو سلنه راټیټې شوې.
د اوکراین چارواکي وايي چې د روسیې د شپې ډرون بریدونو د یاد هېواد په ختیځ او سوېل کې لږترلږه درې کسان وژلي چې پهکې یوه مور او د هغې لس کلن زوی هم شامل دي.
د ختیځ خارکېیف د بوهوډوخیو ښار په هستوګنیزه سیمه کې د برید پرمهال لس کلن هلک او د هغه مور وژل شوي دي.
د لبنان په طرابلس ښار کې د دوو ودانیو نړېدو له امله ۶ کسانو ژوند بایللی او ۷ نور ټپیان شوي. رویټرز اژانس د لبنان
دمشق او ریاض د هوايي چلند، انرژۍ، املاکو او مخابراتو په برخو کې د سترو پانګونو هوکړهلیکونه لاسلیک کړي دي. دا تړون د سوریې د نوې رهبرۍ د بیا رغونې د هڅو برخه ده چې هېواد یې له ۱۴کلنې کورنۍ جګړې وروسته له سختو ویجاړیو سره مخ دی.
د ایران د بهرنیو چارو وزیر عباس عراقچي وايي چې د تهران او واشنګټن ترمنځ یوازینۍ اغېزمنه لاره ډیپلوماسي ده او نورې لارې مخکې ازمویل شوي او ناکامې شوې دي.
نوموړي ټینګار کړی چې د امریکا پوځي حضور او پوځي فشار ایران نهشي وېرولی او په وینا یې، تهران د منطق او ډیپلوماسۍ پلوي دی او هم د جګړې لپاره چمتو ځواک لري.
د چین دولتي رسنیو نن (یکشنبه، د سلواغې ۱۹مه / د فبرورۍ ۸مه) راپور ورکړی چې د دغه هېواد په شمال کې د یوې وړې بایوټکنالوژۍ کمپنۍ کې د چاودنې له امله اته کسان وژل شوي دي.
یاده چاودنه پرون د «جیاپنګ بایوټکنالوژۍ» په نوم شرکت کې رامنځته شوې چې د شانشي ولایت د شوویانګ ښار کې موقعیت لري.
د امریکا ولسمشر ډونالډ ټرمپ ویلي، متحده ایالتونو ایران سره ډېرې ښې خبرې درلودې او ټاکل شوې راتلونکې اونۍ بیا ځلې مذاکرات ترسره شي.
ټرمپ د جمعې په ورځ ناوخته وویل، ایران لېواله دی چې نسبت مخکینیو مذاکراتو ته ډېر کار وکړي، خو دغه برخه کې یې جزییات وړاندې نهکړل.
هغه وویل: «ښکاري چې ایران په جدي توګه غواړي هوکړې ته ورسیږي ـ باید همدا کار وکړي.»
د پاکستان لومړي وزير شهباز شريف د هند پر وړاندې د نړيوال شل اوريز کرېکټ جام (T20 World Cup) د سيالیو د بايکاټ «لوبې نه کولو» پرېکړه تاييد کړې او ويلي يې دي چې دا ګام یې، له بنګلهدېش سره د يووالي د څرګندولو لپاره پورته کړی دی.
