پکتيکا کې سرچینې وايي چې د یاد ولایت په تروه ولسوالي کې د افغان ځواکونو او پاکستاني ملیشو ترمنځ جګړه پيل شوې ده.
له يادې سيمې ځايي سرچينو سلاموطندار ته تایید کړې چې د تروه ولسوالي دوو سيمو کې نن سهار شاوخوا نهه بجې د افغان سرحدي ځواکونو او پاکستاني ملېشو ترمنځ جګړه پيل شوې چې لاهم دوام لري.
پسته د بادغیس له مهمو او مشهورو کرنیزو محصولاتو شمېرل کېږي چې د باغونو په جوړولو سره یې، د دې ولایت زرګونه کورنۍ خپلې اړتیاوې پوره کوي.
خو د ځايي اوسېدونکو په وینا، د بارانونو کمښت او اقلیمي بدلونونو په وروستیو کلونو کې د پستې پر حاصلاتو د پام وړ منفي اغېز کړی او تولید یې کم شوی دی.
د بدخشان د کرنې، اوبولګولو او مالدارۍ ریاست اعلان کړی چې (د ژوند لپاره نړیوالې رېښې) موسسې سره په همکارۍ بریالي شوي، څو د دې ولایت په جرم، شهدا او بهارک ولسوالیو کې ۱۹ شنېخونې جوړې کړي.
دغه اداره وايي، له دې شنو خونو به د یادو ولسوالیو ۲۰۰ کورنۍ ګټه واخلي. یادې شنې خونې د کورنیو باغچو د پروژې تر چتر لاندې جوړې شوي چې د سبزیو تخمونه، کېمیاوي سرې او کاري وسایل هم ورکړل شوي دي.
هېواد کې یوشمېر مېرمنې د زېږون ترمنځ د واټن راوستلو له حق څخه د ناخبرۍ له امله د دوی جسمي، روحي او اقتصادي وضعیت اغېزمن کړی دی.
دیني عالمان او حقوقپوهان وايي چې د مېرمنو جسمي او رواني وضعیت لپاره اسلام دین او قوانینو په غیرمستقیم ډول لارښوونه کړې چې د زېږون ترمنځ باید واټڼ رامنځته شي.
ټاکل شوې چې د سوریې ولسمشر احمدالشرع نن (چهارشنبه، د تلې ۲۴مه) مسکو ته سفر وکړي.
د سوریې دولتي خبري اژانس سانا تایید کړې چې ولسمشر الشرع به په دې سفر کې د روسیې له ولسمشر ولادیمیر پوتین سره وګوري او دواړه مشران به د دوه اړخیزو اړیکو او سیمهییزو موضوعاتو په اړه خبرې وکړي.
د ټولګټو وزارت معین محمداسحق صاحبزاده وايي چې د اقینې د اوسپنې پټلۍ د غځولو د دویم پړاو چارې پیل شوې دي. دا پروژه له اقینې بندر څخه د اندخوی ولسوالي د شاه مردان سیمې پورې غځول کېږي چې لس کیلومتره اوږدوالی لري.
د خوست د صبریو يعقوبيو ولسوالي اړوند د «پرخۍ» لېسې لپاره نوې ودانۍ جوړه او ګټې اخيستنې ته وسپارل شوه. د خوست د پوهنې رياست
د اسلامي امارت ویاند ذبیحالله مجاهد وايي، سپینبولدک کې د افغان او پاکستاني لوري ترمنځ جګړه کې ۱۲ ملکیان شهیدان او تر سلو زیات ټپیان شوي.
هغه نن چهارشنبه پر اېکسپاڼه ویلي «متأسفانه چې نن سهار وختي یو ځل بیا پاکستاني ځواکونو د کندهار سپین بولدک ولسوالۍ کې په افغانستان د سپکو او درنو وسلو بریدونه پیل کړل چې له امله یې تر ۱۲ تنو ملکي هېوادوال شهیدان او له ۱۰۰ زیات ټپیان شوي دي.»
په سپین بولدک کې امنیتي سرچینې وايي چې د افغانستان او پاکستان ترمنځ پر فرضي کرښه د دواړو هېوادونو ترمنځ جوړه شوې دروازه د افغان
د افغانستان او بنګلهدېش ترمنځ درېیمه پنځوس اوریزه لوبه تېره شپه متحده عربي اماراتو کې ترسره شوه. افغانستان دغه لوبه کې د ٩ لوبغاړو په
د کندهار سپینبولدک ولسوالي کې د ډیورنډ فرضي کرښې دواړو غاړو ته د اسلامي امارت او پاکستاني لوري ترمنځ شدیده جګړه روانه ده چې ګڼ ملکيان بېځایه شوي.
نن سهار شاوخوا څلور بجې د کندهار د سپینبولدک ولسوالۍ په پوله جګړه پیل شوه چې د ځایي چارواکو او سرچینو په وینا، پکې سپکې او درنې وسلې کارول کېږي او ګڼو ملکي کورنیو د توپچي بریدونو له امله خپلې مېنې پرېښي.
د کندهار د کرنې اوبولګولو او مالدارۍ ریاست مسوولان وايي چې دغه ولایت کې د ۷.۵ میلیونه افغانیو په لګښت درې چکډېمونه جوړ او ګټېاخیستنې ته سپارل شوي دي.
دغه چکډېمونه د کرنې او مالدارۍ وزارت د پراختیایي بودیجې په مرسته، د کندهار د کرنې، اوبولګولو او مالدارۍ ریاست تر رهبرۍ لاندې او د طبعي سرچینو آمریت په تخنیکي همکاري جوړ شوي دي.
د ټولګټو وزارت ویاند محمداشرف حقشناس نن سهشنبه (د تلې ۲۲مه) «سلام وطندار» ته ویلي چې د سالنګونو لویې لارې د تونلونو د ترمیم پروژې د پلي کولو په موخه، دغه لار به د ۱۴۰۴کال د تلې له ۲۷مې نېټې څخه د لړم تر ۶مې نېټې پورې په بشپړ ډول تړل شوې وي.
حقشناس له موټرچلونکو وغوښتل چې د دې ۱۰ ورځو په موده کې سالنګونو لویې لارې ته د تګ پر ځای د دوشي – بامیان بدیل لاره وکاروي.
د سوریې د لنډمهالي حکومت ولسمشر احمدالشرع وايي چې نه غواړي د اسراییلو او یا هم د کوم بل هېواد لپاره د ګواښ په توګه واوسي.
نوموړي له امریکايي شبکې CBS News سره په ځانګړې مرکه کې ویلي، له هغه وخته چې دی دمشق ته راغلی، د اسراییلو پر ضد هېڅ ډول پارونکی اقدام نهدی شوی او نه هم غواړو د اسراییل یا بل کوم هېواد لپاره د ګواښ سرچینه واوسي.
راپورونه ښيي چې له تېرې جمعې راهیسې، غزه کې د اوربند له اعلان وروسته، د حماس یوشمېر ځواکونه په غزه کې ځای پر ځای شوي، خو له دې سره هممهاله د غزې ختیځ لور ته د زورورو چاودنو غږونه هم اورېدل شوي دي.
د بلخ امنیتي چارواکي وايي، د روان کال د لومړیو شپږو میاشتو پرمهال د ترافیکي پېښو له امله ۷۷ کسانو خپل ژوند له لاسه ورکړی دی.
د بلخ امنیه قومنداني نن سهشنبه (تلې ۲۲مه) اعلان کړی چې دا کسان د ۱۵۵ ترافیکي پېښو په پایله کې، د مزارشریف ښار په مرکز او د دې ولایت پر لویو لارو کې مړه شوي دي.
