د اسراییلو په مرکزي سیمه بئرالسبع د ایران د توغندیزو بریدونو له امله تر دې مهاله د شپږو کسانو د ټپيکېدو او ۱۸ هستوګنیزو کورونو د ویجاړېدو خبر ورکړل شوی دی.
د بئرالسبع ښاروالي چارواکو ویلي چې دغه کسان او ویجاړي د ایران د توغندیو د لګېدلو له کبله رامنځته شوې ده.
په هلمند کې د لبنیاتو د پروسس یوه نوې کارخونه پرانېستل شوه چې د ورځې له شپږو تر اوو زرو لېټره شیدې پهکې پروسس کېږي.
په دې کارخونه کې مستې، پنېر، کوچ او نور لبنیات تولیدېږي چې لسګونه کسانو ته د کار زمینه هم برابره شوې.
د کارخونې مسوول عقل خان سلاموطندار ته وایي چې په دې پروژه کې شاوخوا لس میلیونه افغانۍ پانګونه شوې چې په وینا یې، له ډلې یې، ۳۳زره امریکایي ډالر د «هالنډ کمېټې» لهخوا تمویل شوي دي.
د کورنيو چارو سرپرست سراجالدين حقاني پکتیا کې یوې غونډې ته ویلي، څوک حق نهلري، د جهاد په نوم نور هېوادوال وځوروي.
نوموړي پرون «پنجششنبه، جون ۲۰مه» مرکز ګردېز کې له قومي مشرانو سره په يوه ولسي غونډه کې همداراز وويل چې د وطن ابادي لپاره یووالی باید وساتل شي او په وینا یې، د ولس یووالی به د وطن د پرمختګ لامل شي.
د بهرنیو چارو وزارت نن (پنجشنبه، غبرګولي ۲۹) یوه خبرپاڼه کې ویلي چې امیرخان متقي کابل کې د ایران سفیر عليرضا بیکدلي سره لیدلي او سیمه کې یې د روان وضعیت او د افغانستان له لارې د ایراني حاجیانو د لېږد په تړاو خبرې کړي دي. امیرخان متقي دغه لیدنه کې پر ایران د اسراییل برید غندلی او دا اقدامات یې، د نړیوالو قوانینو ښکاره نقض بللی دی.
د اسراییلو په زړه کې د ایران د توغندیزو بریدونو سره هممهاله لومړي وزیر بنیامین نتنیاهو تهران ته د غچ اخیستول ګواښ کړی دی.
بنیامین نتنیاهو له یادو بریدونو وروسته پر خپله اېکسپاڼه لیکلي چې ایران به د نننیو بریدونو درنه بیه پرې کړي.
هغه ویلي: «موږ به د دې برید بشپړه بیه د تهران له دیکتاتورانو واخلوو.»
د اسراییلو د کورني امنیت وزیر ایتامار بنګوېر شېبه وړاندې په یوې بیانیه کې چې د رسنیو له لوري خپره شوې، ګواښ کړی، هر هغه څوک چې په اسراییلو کې د الجزیرې ټلوېزیون ګوري، وبه نیول شي.
د ایران دولتۍ رسنۍ تسنیم وايي چې د یاد هېواد په مشهد ښار کې د ۱۸ ناقانونه افغان کډوالو نیولکېدل، اسراییلو سره هېڅ تړاو نهلري.
یادې رسنۍ نن پنجشنبه، جون ۱۹مه پر خپله اېکسپاڼه لیکلي چې یاد کسان له اسراییلو سره د همکارۍ او د بېپېلوټه الوتکو جوړولو کې هېڅ لاس نهلري او په وینا یې، دغه افغانان ایران کې د اوسېدو لپاره د قانوني اسنادو د نشتوالي له امله نیول شوي دي.
عبدالرحمن پوپل له نوښتګر ځوانانو دی چې د معلوماتو ټکنالوژۍ برخه کې یې، مسلکي زدهکړې کړي او د مالي خدمتونو برښنايي کولو او کارنده اپلېکېشن پراختیا کې اغېزمن ګامونه اخیستې دي.
د جاپان سفیر تاکایوشي کورمایا ویلي، روان کال د بیرته راستنېدونکو د ستونزو حل لپاره ۷.۵ میلیون ډالره لګوي. د کډوالو او بیرته راستنېدونکو چارو
د بهرنیو چار وزارت سرپرست امیرخان متقي د افغانستان لپاره د ناروې شارژدافير پير البرت الساس سره د لیدنې پرمهال سيمه کې د روان وضعيت په تړاو اندېښنه څرګنده کړې.
د بهرنیو چارو وزارت نن (پنجشنبه، جوزا ۲۹) پر اېکسپاڼه لیکلي چې امیرخان متقي دغه لیدنه کې د افغانستان لپاره د ناروې شارژدافير سره پر دوه اړخيزو او سیمهييزو مسايلو خبرې کړي.
د ایران تسنیم خبري اژانس وايي چې دغه هېواد کې اسراییلو ته د جاسوسۍ په تور د افغانستان یو وګړی نیول شوی دی.
تسنیم رسنۍ نن چهارشنبه، غبرګولي ۲۸مه، پر خپله اېکسپاڼه لیکلي چې د اسراییلو د بهرني اطلاعاتو سازمان «موساد» ته د جاسوسۍ په تور یې، دغه افغان په رې ښار کې نیولی دی. د یاد افغان نوم او دا چې څنګه نیولی شوی، تراوسه څه نهدي ویل شوي.
د ایران او اسراییلو ترمنځ د روانې شخړې په لړ کې روسیې په لومړي ځل امریکا ته خبرداری ورکړی چې اسراییلو سره د پوځي مرستې په اړه فکر ونکړي.
سياېناېن د یوه امریکايي لوړپوړي چارواکي له قوله راپور ورکړی چې د امریکا شاوخوا ۳۰ الوتکې اسراییلو ته د تېلو رسولو عملیاتو کې مرسته کوي.
د ایران پوځ وايي چې دغه هېواد کې یې، د اسراییلو یوه اېف-۳۵ الوتکه ویشتلې او نسکوره کړې ده.
د پوځ په وینا، دغه جېټالوتکه یې، د جواداباد سیمې اړوند ورامین ولسوالي کې نسکوره کړې. دوی وايي، دا جېټالوتکه یې، د هوايي دفاعي سېسټم په مرسته ویشتلې.
ایران له دې وړاندې د اسراییلو پنځلې جېټالوتکې نسکورې کړې دي.
د ایران او اسراییلو ترمنځ د روانې شخړې په لړ کې واشنګټن پوسټ رسنۍ وايي، که ایران همداسې خپلو بریدونو ته دوام ورکړي، اسراییل به یوازې ۱۲ ورځې له ځان د دفاع توان ولري.
العربیه فارسي څانګې د واشنګټن پوست له قوله راپور ورکړی چې اسراییلو دفاعي سېسټم له ۱۰ تر ۱۲ ورځو د دې توان لري چې د ایران یرغلیزو بریدونو پر وړاندې ودرېږي.
غزه کې روغتیايي چارواکي وايي چې د اسراییلي ځواکونو د بریدونو له کبله نن چهارشنبه، جون ۱۸مه ۳۴ کسانو خپل ژوند له لاسه ورکړی او یوشمېر نور ټپیان دي.
د فلسطین وفا خبري اژانس ویلي چې ډېری وژل شوي، مرسته ترلاسه کوونکي او ملکیان دي.
د اټومي انرژي نړیواله اداره وايي چې په ایران کې د سنټرفیوژنو د تولید دوه تاسیسات په نښه شوي دي.
یادې ادارې نن چهارشنبه، جون ۱۸مه، پر خپله اېکسپاڼه همداراز ویلي چې د یاد هېواد په کرج کې یو ورکشاپ او د تهران څیړنیز مرکز هم په نښه شوي دي.
