د پاکستان په بلوچستان ایالت کې بېلتون غوښتونکې ډلې «بياېلاې» ادعا کړې چې د بریدونو پرمهال یې، ۱۳۰ پاکستاني سرتېري وژلي او ۵۵ نور ټپیان دي.
دغه بریدونه د یاد ایالت په بېلابېلو سیمو کې د روانې اوونۍ د دوشنبې پر ورځ شوې دي. د یادې ډلې له لوري په خپور شوي بیان کې راغلي چې د بلوچستان په ۱۳ ضلعو کې په یوه وخت ۴۴ بریدونه شوي چې پرمهال یې، پوځ ته دغه مرګژوبله اوښتې.
د سلاموطندار پښتو فېسبوکپاڼه وڅارئ
د پاکستان د یوشمېر رسنیو د راپورونو له مخې، بریدونو کې د ګاز نللیکې، د اوسپنې پټلۍ او پُلونه هم ویجاړ شوي او د کان کیندونکو ۱۳ موټر هم لهمنځه وړل شوې دي.
د پاکستان پوځ دې ادعا ته غبرګون نهدی ښودلی، خو له دې وړاندې یې، دې بریدونو کې د ۱۴ پوځیانو وژل تایید کړي وو.
دې ډلې همداراز ادعا کړې چې د یادو بریدونو پرمهال یې، پوځ ته درانه زیانونه اړولي او په وینا یې، ګڼې وسلې هم لاس ته ورغلې دي.
د پاکستان رسنیو په هماغه ورځ بلوچستان کې په شویو بریدونو کې د ۷۰ کسانو د وژلو راپورونه ورکړل شوي وو.