د ریاستالوزرا اقتصادي مرستیال ملا عبدالغني برادر لوګر ته د یوه سفر پرمهال د دغه ولایت له چارواکو سره لیدلي دي.
د لوګر مقام کې جوړې شوې غونډې ته د دغه ولایت والي مولوي ضیاالرحمن مدني د یاد ولایت د اوسېدونکو د پوهنې، روغتیا، کرنې او د اوبو مدیریت برخه کې شته ستونزې شریکې کړې.
د اداري اصلاحاتو او ملکي خدمتونو ادارې د عامې روغتیا وزارت ۴۲۴ تخصصي بستونو لپاره ازموینه واخیسته.
د دغې ادارې مسوولان وايي، د عامې روغتیا وزارت د څلورمو، پنځمو او شپږمو ۴۲۴ خالي بستونو لپاره ۳ زره او ۹۴۰ کسانو غوښتنلیکونه ورسپارلي وو چې ۳ زره او ۵۸۵ یې په شرایطو برابر پېژندل شوي.
د پاکستان د کورنیو چارو وزارت مسوولان وايي چې د روان کال د لسو میاشتو پرمهال دغه هېواد کې د بریدونو له امله ۵۷۳ پاکستاني سرتېري وژل شوي دي.
د یاد وزارت د مسوولانو په وینا، د یادې مودې پرمهال ۱۵۶۶ بریدونه شوي چې د ۵۷۳ سرتېرو په ګډون پهکې ۹۲۴ کسان وژل شوي او ۲۱۲۱ ټپیان دي.
د روسیې د ارتباطاتو د څار ادارې «رسکومنډازور» مسوولان وايي چې یادې ادارې روسیه کې د پیام رسولو «وایبر» اپ پر کارونې بندیز لګولی دی.
د یادې ادارې مسوولانو په وینا، دغه پرېکړه یې، د ترهګرۍ ، افراطپالنې او نشهيي توکو پېر او پلور مخنیوي اړوند قوانینو څخه د سرغړونې په غبرګون کې کړې.
غزه کې د اسراییلي ځواکونو د بریدونو پرمهال لږ تر لږه ۶۶ کسانو خپل ژوند له لاسه ورکړی او ۵۰ نور ټپیان دي.
رویټرز خبري اژانس د غزې د روغتیایي مسوولانو له قوله راپور ورکړی چې ۳۳ کسان د بېځایه شویو فلسطینیانو په النصیرات پنډغالي کې د اسراییلو یوه هوایي برید کې خپل ژوند له لاسه ورکړی دی.
د هواپېژندنې ریاست مسوولان وايي چې نن جمعه، لیندۍ ۲۳مه د هېواد په شمالي او لوېدیځو ولایتونو کې د چټکو بادونو اټکل شوی دی.
د ټرانسپورټ او هوايي چلن وزارت اړوند د هواپېژندنې ریاست په یوې خبرپاڼه کې ویلي، بېلابېلو سیمو کې به د بادونو چټکتیا په یوه ساعت کې له ۵۰ تر ۸۰ کیلومترو پورې وي.
د ملګروملتونو امنیت شورا کې د چین استازي فو کونګ ویلي، افغانستان کې امنیتي او اقتصادي وضعیت ښه شوی او سیمهییزې همکارۍ پراخې شوي، خو بشري، پراختیایي او د ښځو حقونو مسایل نا حل پاتې دي.
د لوګر محلي چارواکي وایي چې د ا.ا مشرتابه د هدایت له مخې د ازرې سرحدي ولسوالي د ولسونو ستونزو ته د رسېدنې لپاره د ولایت مرستیال په مشرۍ یوه ځانګړې کمېټه ټاکل شوې.
د بهرنيوچارو وزارت سرپرست مولوي اميرخان متقي وايي، خلیلالرحمن حقاني یو صادق کس و او په وینا یې، هغه کسان به اور کې سوزي چې داسې صادقه خلک په شهادت رسوي.
هغه دغه څرګندونې پنجشنبه، لیندۍ ۲۲مه د کډوالو او بېرته راستنېدونکو چارو سرپرست خليلالرحمان حقاني جنازې مراسمو کې کړې دي.
ټاکل شوې د ملګروملتونو امنیت شورا نن شپه «پنجشنبه، لیندۍ ۲۲مه» د افغانستان وضعیت ارزونې په موخه غونډه جوړه کړي.
افغانستان کې د ملګروملتونو د سیاسي استازولۍ یا یوناما له لوري د وړاندې شویو معلوماتو له مخې، د دغه بنسټ مشره روزا اوتنبایووا به یادې غونډې ته د افغانستان وضعیت په اړه معالومات ورکړي.
د دغه ولایت د کلیو پراختیا او بیارغونې ریاست مسوولان وایي، دغه شبکه د لوګر په ازرې ولسوالي کې د درې میلیونه افغانیو په لګښت بشپړه او ګټېاخیستنې ته وسپارل شوه.
سلاموطندار له یوشمېر ځوانانو سره د دوی په ژوند کې د «پیسو سپما» په اړه د مرکو پرمهال موندلې چې ډېری دغه ځوانان د اقتصادي ستونزو، د ژوند لوړو لګښتونو او نورو خنډونو له امله نهدي توانېږي چې سپما وکړي. د دې مرکې د ۵۰ ځوانانو له ډلې، ۲۷ یې، وايي، هېڅ سپما شوې پیسې نهلري.
د کندهار ښار د سړکونو روښانولو لپاره په ۱۶ میلیونه افغانیو د سړکونو د څراغونو لګولو چارې پیل شوې.
دغه پروژه چې دوه برخې لري، د څلور میاشتو په موده کې بشپړه شي او ۱۶ میلیونه افغانۍ لګښت به پرې راشي. دویمه برخه کې به د ډنډڅلورلارې څخه د باغ پل تر سېلو پورې پر غځېدلي سړک د شپې څراغونه روښانه شي.
د پکتيا پوهنې رياست مسوولان وايي چې د مرکز ګردېز په ګډون په ۱۲ ولسواليو کې د ۱۷ ښوونځيو او ديني مدرسو ودانيو بيارغونې چارې د لس ميليونه افغانيو په لګښت بشپړې شوې.
د دوی په وینا، يادې پروژې د پوهنې رياست په بوديجه پلې شوې دي.
د سرپرست حکومت د ویاند مرستیال حمدالله فطرت وايي، د افغانستان لپاره د اروپايي ټولنې ځانګړي استازي توماس نیکلاسن د ریاستالوزرا سیاسي مرستیال مولوي محمد عبدالکبیر سره لیدنه کې پر دوه اړخیزو اړیکو ټینګار کړی.
د لوګر د بدني روزنې او ورزش امریت مسوولان وایي چې د والېبال فدراسیون له لوري د دغه ولایت په مرکز پلعلم کې د ولایت په کچه د غوره لوبډلو ترمنځ د والېبال سیالي پيل شوې.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
