د سرپرست حکومت مرکزي ویاند پر خپله اېکسپاڼه د دغه « ښاري بس» انځور په خپرولو سره لیکلي چې افغانستان کې نوی ښاريبس تولید شوی دی.
ذبېحالله مجاهد نن پنجشنبه، تلې ۲۶مه پر خپلهاېکسپاڼه همداراز لیکلي چې له دغه ښاريبس څخه به د ښاري خدمتونو لپاره ګټه واخیستل شي.
د کندهار د کرنې، اوبولګولو او مالدارۍ ریاست مسوولان وايي چې سږکال له دغه ولایت څخه ۶۰۱۵ ټُنه انار بهر ته صادر شوي دي.
د یاد ریاست د کرنیزو چارو امریت د معلوماتو پر بنسټ، سږکال د لوی کندهار څخه بهرنیو هېوادونو ته (۶۰۱۵) ټنه انار صادر شوي او تمه کېږي چې د نورو کلونو په پرتله د صادراتو کچه لوړه شي.
د لوګر د کرنې، اوبولګولو او مالدارۍ رییس عبدالروف یوې غونډې ته وویل، د کرنې او مالدارۍ وزارت له لوري د څرخ ولسوالي په «ډبر» سیمه کې د شاوخوا پنځه میلیونه افغانیو په ارزښت د اوبو د یوه سربند د جوړیدو چارې پیل شوې.
هغه زیاتوي، یادې پروژې به په راتلوونکو پنځه میاشتو کې بشپړشي او شاوخوا ۴ سوه وزګارو کسانو ته به پکې د کارکولو زمینه برابره شي.
هېواد کې له شپږم ټولګي پورته د نجونو زدهکوونکو پر وړاندې تر امرثاني پورې د ښوونځیو له تړلکېدو وروسته، ګڼشمېر نجونو زدهکوونکو پر لیکه یا انلاین بڼه د زدهکړو لار نیولې.
یوشمېر دغه نجونې زدهکوونکې سلاموطندار ته وايي، که څه هم په انلاین توګه خپلې زدهکړې کوي، خو په وینا یې، هېواد کې په حضوري بڼه د خپلو زدهکړو راتلونکې ته اندېښمنې دي.
خوست کې سوداګر له هېواد څخه بهر د جلغوزیو د صادراتو برخه کې د اسانتیاوو د برابرولو غوښتنه کوي.
دغه سوداګر سلاموطندار ته وايي، بهرنيو هېوادونو ته دې د صارداتو لپاره ورته هوايي لارې او نورې اسانتیاووې برابرې شي.
د کرنیزو محصولاتو، مالدارۍ او د کورنیو تولیداتو څلور ورځنی ۳۱م خزاني نندارتون نن چهارشنبه، تلې ۲۵مه د کابل په بادامباغ کې د سرپرست حکومت د یوشمېر چارواکو له لوري پرانېستل شو. د ریاستالوزا سیاسي مرستیال مولوي عبدالکبیر له ګاونډیو هېوادونو غواړي چې د افغانستان د کرنیزو محصولاتو د صادراتو پر وړاندې خنډ رامنځته نه کړي
د خوست محلي مسوولان وايي چې دغه ولايت کې کورنیو توليداتو ته د بازارموندنې په موخه د ګنجينه په نوم درې ورځنی ملي نندارتون پرانېستل شوی دی. د یوه توليدي شرکت مسوول محمدشفیع احمدزي وويل چې دا ډول نندارتونونه د داخلي توليداتو لپاره بازارموندنې برخه اغېزمن تمامېږي.
غزه کې د اسراییلو د بریدونو له امله یوازې پر یوه ورځ ۶۱ کسانو خپل ژوند له لاسه ورکړی او یوشمېر نور ټپیان شوي دي.
په مړو شویو کې یوه لس کسیزه کورنۍ هم شامله ده چې د اسراییلو په یوه برید کې د همدې کورنۍ لس غړي یوځای وژل شوي دي.
رویترز خبري اژانس نن چهارشنبه، اکتوبر ۱۶مه راپور ورکړی چې پوځ سره د یوځای کېدو لپاره زدهکوونکو او نورو ځوانانو نوملیکنه کړې او خوښي یې، څرګنده کړې چې د «دښمن لهمنځه وړو لپاره د انقلاب وسلو سره په مقدسه جګړه» کې وجنګېږي. شماليکوریا پر سوېليکوریا تور لګولی چې جګړې ته لمن وهي.
سلاموطندار له ۱۸هغو ځوانانو سره چې نشهلرونکي درمل کاروي، مرکې کړي او د مرکو پایلې ښيي چې دغه درمل په ټيته بیه پیدا کېږي او لاسرسی ورته اسانه دی. دې مرکو کې ځوانانو سلاموطندار ته ویلي چې نشهلرونکي درمل د پلازمېنې کابل په ګډون د هېواد په هره برخه کې د درملو عمده پلورونکو او د مواد خرڅوونکو څخه په اسانه توګه اخیستلی شي.
د افغاني سرې میاشتې ټولنې سرپرست شهاب الدین دلاور وايي، یادې ټولنې سره د مرستې په موخه یې، د مرستو راټولولو سراسري کمپیان جوړ کړی دی.
نوموړي دغه څرګندونې نن سهشنبه، تلې ۲۴مه، کابل کې د سرې میاشتې ځانګړې اوونۍ د نمانځغونډه کې کړې دي.
د هېواد د یوشمېر سوداګریزو بندرونو له تړلکېدو او لېږد رالېږد کچې کمېدو سره هممهاله د خوست غلامخان بندر له لارې سوداګریزه راکړه ورکړه زیاته شوې.
که څه هم پر دې لارې د سوداګریزو لېږ رالېږد زیات شوی، خو سوداګر او موټرچلوونکي وايي، پاکستانی لوری کمو موټرو ته د تګ اجازه ورکوي چې له کبله یې، ډېری توکي او مالونه خرابېږي.
د پکتیا د کرنې، اوبولګولو او مالدارۍ ریاست مسوولان وايي چې دغه ولایت کې د څه باندې ۲۳ میلیونه افغانیو په لګښت د سبزیجاتو شنېخونې جوړېږي.
دغه شنېخونې په مرکز ګردېز او څلورو ولسواليو کې د ملګروملتونو د خوړو او کرنې سازمان له لوري د څه باندې ۲۳ ميليونه افغانيو په لګښت جوړېږي.
د اسراییلو پوځ وايي چې د تېرې یوې شپې او ورځې پرمهال لبنان کې د حزبالله ډلې پر مرکزونو ۲۰۰ توغندي وېشتلي دي.
د اسراییلو د پوځي عملیاتو اصلي تمرکز د لبنان پلازمېنې بیروت ښار په ختیځ بقاع سیمه کې او د سوېل اړوند سیمو کې دی، چېرته چې د اسراییلو ځواکونو او د ملګروملتونو سولهساته ځواکونو ترمنځ ترینګلتیا رامنځته شوې.
د امریکا متحده ایالتونو ایران ته خبرداری ورکړی چې د ډونالډ ټرمپ پر وړاندې له هر ډول دسسو ډډه وکړي.
رویټرز خبري اژانس د یوه امریکايي چارواکي له قوله راپور ورکړی چې د امریکا حکومت ته دا هم په ډاګه کړې چې واشنګټن به د ټرمپ ژوند ته د ګواښ پېښول، د جګړې په معنی وبولي.
د پلازمېنې کابل ښار د بېلابېلو ناحیو اوسېدونکي د برښنا پرچاوي له ډېروالي د شکایت ترڅنګ وايي چې ډېری وخت شپې له برښنا پرته سبا کوي.
د کابل ښار د دشتبرچي اوسېدونکې فاطمه سلاموطندار ته وايي چې د وروستیو ورځو پرمهال د هوا سړېدو سره سره د برښنا پرچاوي هم زیاته شوې.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
