اسلامي امارت د ویاند مرستیال وايي، خوست کې د پاکستان برید پرمهال د يوې کورنۍ ۴ غړي شهيدان او ۳ تنه نور ټپيان شوي.
حمدالله فطرت نن پنجشنبه د حوت ۲۱ / مارچ ۱۲ پر اېکسپاڼه لیکلي چې د خوست د عليشېرو ـ تريزيو ولسوالۍ اړوند د «صدقو» کلي د «بدرګې ګورګورې» سيمه کې تېره شپه شاوخوا څلور بجې د پاکستاني پوځ له لوري د عامو خلکو پر کورونو او د کوچيانو پر خېمو د توپونو او هاوانونو بريدونه شوي.
د اقلیمي بدلون له امله ترځمکې لاندې اوبو کچې په ټیټېدو سره، د ننګرهار مسوولان وایي چې په دې ولایت کې یې د چکډېمونو جوړولو
د لبنان بیروت ښار کې د اسراییلي پوځ ننني هوايي برید کې لږ تر لږه ۷ کسان وژل شوي او ۲۱ نور ټپيان دي.
د لبنان د روغتیا وزارت ویلي، دغه برید نن سهار مهال د بیروت ښار د ساحلي سیمې «رملېت البیضا» کې شوی.
اسراییلو همدارنګه د بیروت پر سویلي سیمو څو ځله بریدونه کړي چې د اسراییلو پوځ د پنجشنبې په ورځ وویل، په دغو سیمو کې یې د حزبالله لس هدفونه په نښه کړي دي.
د اسلامي امارت مسوولان وايي، د افغانستان لاس یو کیلي موټرو ته د ګمرکي محصول تخفیف تر راتلونکي یو کال غځول کیږي. د اسلامي امارت
د ایران ولسمشر مسعود پزشکیان له اسراییل او امریکا سره د جګړې پایته رسولو او سولې لپاره درې شرطونه وړاندې کړي. الجزیرې شبکې نن پنجشنبه د حوت ۲۱ / مارچ ۱۲ راپور ورکړی چې د ایران د مشروع حقونو پیژندل، د تاوان ورکول او راتلونکې کې د برید نهکولو نړیوال تضمینونه د ولسمشر پزشکیان له لوري وړاندې شوي شرطونه دي.
حقوقپوهان او دیني عالمان ټینګار کوي چې د قانون، حنفي فقې او اسلامي شریعت له مخې، ښځې د زدهکړې، کار او د مېړه د انتخاب حق لري.
خو دغه راپور کې مرکه شویو ښځو ویلي، ټولنه کې ناسم دودونه لامل شوي چې د زدهکړې، کار او د مېړه د انتخاب په څېر له خپلو اساسي حقونو محرومې شي.
د اسلامي امارت یوې سرچینې وویل، د پاکستان له دیني علماوو جوړ یو درې کسیز پلاوی کابل ته راغلی، څو د افغانستان او پاکستان ترمنځ د روان تاوتریخوالي د پایته رسولو لپاره هڅې وکړي. ورته وخت کې کارپوهان باور لري چې دغه پلاوی ښايي یوازې دومره وکړی شي چې د دواړو لوریو ترمنځ د خبرو او مذاکراتو د بیا پیلولو لپاره زمینه برابره کړي.
د افغانستان او سریلانکا ترمنځ د شل اوریزو او یو ورځنیو سیالیو لوبلړۍ رسمآ وځنډېدې. د افغانستان کرکټ بورډ نن چهارشنبه وویل چې سریلانکا سره
د اسلامي امارت د بهرنیو چارو وزیر امیر خان متقي د عُمان بهرنیو چارو وزیر بدر بنحمد البوسعيدي سره ټیلیفوني خبرې کړي. د بهرنیو چارو
جاپان له پاکستان او ایرانه د راستنېدونکو او زیانمنونکو افغانانو د ملاتړ لپاره دوه میلیون امریکايي ډالره مرسته کوي. د کډوالو په چارو کې د ملګرو ملتونو عالي کمېشنرۍ UNHCR نن چهارشنبه یوه اعلامیه کې ویلي، دغه مرستې به د راستنېدونکو او زیانمنو افغانانو د بیړنیو اړتیاوو پوره کولو، ساتنې او د حیاتي خدماتو وړاندې کولو په برخو کې ولګول شي.
د ماشومانو د ژغورنې نړیوال بنسټ Save the Children ویلي، د افغانستان او پاکستان ترمنځ د نښتو زیاتېدو له امله، د افغانستان په ختیځ کې شاوخوا ۶۸ زره ماشومان له خپلو کورونو بېځایه شوي.
دغه بنسټ یوه تازه راپور کې ویلي، د سلګونو ټولګیو او لنډمهالو زدهکړیزو مرکزونو د تړل کېدو په دلیل، له ۸ زرو څخه ډېر هغه ماشومان چې د ژغورنې نړیوال بنسټ او د شریکانو له لوري یې ملاتړ کېده، دامهال له ښوونځي پاتې دي.
ایراني چارواکو ویلي چې امریکا او اسراییل د جګړې له پیل راهیسې ایران کې نږدې ۱۰۰۰۰ ملکي ځایونه په نښه کړي.
الجزیرې شبکې نن چهارشنبه د حوت ۲۰ / مارچ ۱۱ راپور ورکړی چې اسراییل او امریکا پر ایران د بریدونو پرمهال له ۱۳۰۰ څخه زیات ملکي وګړي هم وژلي.
غزني کې یو شمېر مالداران وایي، څارويو کې یې د ماستیت یا د «غولانځې پړسوب» ناروغي زیاته شوې. د مالدارانو په وینا، د دې ناروغۍ
ملګرو ملتونو کې د امریکا سفیر وايي، له افغانستان سره د ملګرو ملتونو مرستې ارزونې ته اړتیا لري.
رویټرز اژانس نن سهشنبه د حوت ۱۹ / مارچ ۱۰ راپور ورکړی چې ملګرو ملتونو کې د امریکا استازي ویلي، د اسلامي امارت دریځ او پر افغان ښځو محدودیتونو ته په پام، افغانستان سره باید په نړیوالو مرستو بیاکتنه وشي.
تېره شپه یو ځل بیا د پکتیا ډنډپټان ولسوالۍ کې له ډيورنډ فرضي کرښې اخوا د پاکستاني ځواکونو پوستې په نښه شوي. پکتیا کې يوې
د ایران بهرنیو چارو وزیر عباس عراقچي تازه ویلي چې له وروستیو شخړو وروسته، امریکا سره د خبرو بیا پیلول امکان نهلري.
هغه نن سهشنبه رویټرز اژانس سره خبرو کې ویلي، د ایران او امریکا ترمنځ تېرې خبرې یوه ترخه تجربه وه.
ورته وخت کې د ایران خاتم الانبیا مرکزي قرارګاه قومندان ویلي، د اسراییل او امریکا پر وړاندې به یې بریدونه دوام ولري.
