د افغانستان بانک نن چهارشنبه د غبرګولي لسمه پر خپله ټوېټرپاڼه لیکلي چې په ورځنۍ راکړه ورکړه د هېوادوالو د اسانتیاو په موخه نوي بانکنوټه بازار ته وړاندې کوي.
دغه بانک لیکلي چې د زړو لسګون او شلګونو افغانیو پر ځای نوي «لسګون او شلګون» بانکنوټونه بازار ته وړاندې کوي.
د سلاموطندار پښتو فېسبوکپاڼه وڅارئ
د افغانستان بانک زیاته کړه چې د زړو بانکنوټونو د ټولولو لړۍ به د روانې غبرګولې میاشتې په ۱۶مه نېټه پیل شي او ټول سوداګریز بانکونه اړ دي چې زاړه بانکنوټونه ټول او پر ځای نوي بانکنوټونه ورکړي.
د یاد بانک د معلوماتو پر بنسټ، ټول بانکونه باید پرته له کوم کمېشن او فیس څخه دغه پیسې بدلې کړي.
دا په داسې مهال دی چې د هېواد به بازارونو کې د زړو افغانیو ډېروالي خلک له بېلابېلو ستونزو سره مخ کړي دي.