د افغانستان فوټبال ملي لوبډله د ۲۰۲۶فوټبال نړیوال جام او د ۲۰۲۷کال اسیا جام ته د لارموندنې دویم پړاو سیالیو په لړ کې نن ماښام د هند فوټبال ملي لوبډلې سره سیالي کوي.
ټاکل شوې چې یاده لوبه نن ماښام ۶بجې د هند په انډرا ګاندي فوټبال لوبغالي کې ترسره شي.
د سلاموطندار پښتو فېسبوکپاڼه وڅارئ
افغانستان د یادو سیالیو په تګ لوبه کې چې سعودي عربستان کې وشوه، دې لوبډلې سره خپله سیالي ۰-۰ مساوي پایته ورسوله.
افغان فوټبال ملي لوبډله د دې سیالیو په اې ګروپ کې له قطر، هند او کوېټ سره یوځای دی. قطر په درېوو بریاوو لومړی، هند په یوې بریا دویم، کوېټ په یوې بریا درېیم او افغانستان له درېوو سیالیو، په یوه امتیاز، څلورم ځای لري.
ټولو لوبډلو په دې ګروپ کې درې-درې لوبې کړې دي.
افغانستان نړیوال جام ته د لارموندنې سیالیو په لومړۍ دوو لوبو کې له قطر ۸.۱ او له کوېټ ۴.۰ ماته خوړلې او درېیمه سیالي له هند سره مساوي کړه.