د سمنګان فوټبال غوره لیګ چې درې میاشتې وړاندې د یوولس لوبډلو ترمنځ پیل شوی وو، د ظفر کلب په اتلولۍ سره پای ته ورسېد.
ظفر لوبډلې دغه لیګ کې له لسو بریاوو څخه ۳۰ امتیازه ترلاسه کړل او د دغه ولایت د روان کال فوټبال غوره لیګ اتله شوه.
د سلاموطندار پښتو فېسبوکپاڼه وڅارئ
دغه سیالي د یاد ولایت د ځوانانو ریاست او بدني روزنې او ورزش امریتونو لهخوا جوړې شوې وې.
د یاد لیګ په پایلوبه کې ظفر او اتحاد فیروزنخچیر لوبډلو د یوه بل پر وړاندې لوبه وکړه چې ۱-۰ د ظفر کلب په بریا سره پای ته ورسېده.
د سمنګان د فوټبال فدراسیون رییس تاجمحمد خداداد سلاموطندار ته وویل چې د یاد لیګ اتله لوبډله به د شمال زون فوټبال اتلولۍ لیګ کې ولوبېږي.
د نوموړي په وینا، له یادو سیالیو څخه یې موخه د دغه ولایت د بېلابېلو سني لوبډلو ته د غوره لوبډلو پېژندل دي.
دغه ولایت کې د فوټبال یوشمېر لوبغاړي د ورته سیالیو د جوړېدو غوښتنه کوي او له حکومت غواړي چې سمنګان کې د لوبغاړو ته د سپورټ کولو زمینه برابره شي.
د یاد لیګ لومړۍ، دویمې او درېیمې لوبډلې باندې د سمنګان محلي مسوولانو لهخوا نغدي جایزې هم ووېشل شوې.