د میدانوردګ والي ملا خیرالله خیرخواه وايي، د سیداباد ولسوالي اړوند د اونخي سیمې په «پیرونګ» کلي کې د څه باندې ۳ میلیون افغانیو په ارزښت د اوبو ذخیروي بند چارې بشپړې او ګټې اخیستنې ته وسپارل شو.
هغه وویل، اسلامي امارت هڅه کوي چې د هېواد په کچه د لویو او وړو چیکډیمونو له لارې د اوبو مدیریت پیاوړی کړي.
خیرخوا ولسونو ته ډاډ ورکړ چې د خلکو غوښتنې او اړتیاوې به له اړوندو مشرانو سره شریکې شي، څو د بیارغونې نورې پروژې هم پلې شي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
ورته وخت کې د میدانوردک د اوبو او انرژۍ رییس مولوي عبدالصمد حلیم وویل، دغه ذخیروي بند د اسلامي امارت له بودجې څخه د دوو میاشتو په موده کې جوړ شوی.
د نوموړي په وینا، دغه بند ۳۷ متره اوږدوالی او ۷ متره لوړوالی لري او شاوخوا ۴۲۰۰ متره مکعبه اوبه ذخیره کولی شي.