د پکتيکا ولايت مقام یوه خبرپاڼه کې ویلي، چې دغه ښارګوټی له پاکستانه نويو راستنيدنکو کډوالو لپاره په ۳۵۰۰ جريبه دولتي ځمکه کې جوړېږي.
د ياد ښارګوټي د بنسټ ډبره د رياست الوزرا اداري مرستيال او د کډوالو عالي کميسون مشر مولوي عبدالسلام حنفي، د کور او ښار جوړولو وزير مولوي حمدالله نعماني او د پکتيکا د ولايتي ادارې مسوولانو په ګډه کښېښوده.
خبرپاڼه کې ویل شوي چې دغه ښارګوټی به نه یوازې د راستنېدونکو ستونزې هوارې کړي، بلکې د پکتيکا د پرمختګ او ښاري پراختيا په برخه کې به هم يو بنسټيز بدلون راولي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
ویل شوي چې دغه ښارګوټی به ښوونځی، روغتون، د څښاک اوبو رسونې شبکه او جوماتونه ولري.
د پکتيکا والي مولوي عبدالخالق عابد د یاد ښارګوټي په جوړېدو خوښي څرګنده کړې او ويلي، د ښارګوټي له جوړېدو سره به د سلګونه کورنيو لپاره دايمي سرپناه برابره شي.
