متحده عربي اماراتو کې د افغانستان سفارت ویلي، د ابوظبي هوايي شرکت «اتحاد» به د مارچ په ۲۸مې کابل ته الوتنې پيل کړي.
د افغانستان سفارت تېره شپه پر اېکسپاڼه لیکلي چې دغه چاره به د افغانستان او اماراتو ترمنځ اقتصادي، سوداګریزې او ترانزیټي اړیکې لا پیاوړې کړي.
یاد سفارت ویلي چې ابوظبۍ کې د اسلامي امارت سفیر مولوي بدرالدین حقاني د اتحاد هوايي شرکت د سوداګریزو او پراختیايي چارو له پلاوي سره ناسته کې ټینګار کړی چې د مسافرو لپاره دې هر اړخیزې اسانتياوې رامنځ ته او د ټکټونو او د سفر اړوندو لګښتونو د کمښت چارو ته دې پاملرنه وشي.
همدارنګه دغه کتنه کې د اتحاد شرکت چارواکو کابل ته د نویو الوتنو د مهالوېش، ټرانسپورټي اسانتیاوو او د کابل او ابوظبي ترمنځ د هوايي تګراتګ په اړه مالومات وړاندې کړي دي.