د چین دولتي رسنیو نن (یکشنبه، د سلواغې ۱۹مه / د فبرورۍ ۸مه) راپور ورکړی چې د دغه هېواد په شمال کې د یوې وړې بایوټکنالوژۍ کمپنۍ کې د چاودنې له امله اته کسان وژل شوي دي.
یاده چاودنه پرون د «جیاپنګ بایوټکنالوژۍ» په نوم شرکت کې رامنځته شوې چې د شانشي ولایت د شوویانګ ښار کې موقعیت لري.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د چین دولتي خبري اژانس شینهوا د راپور له مخې، د پېښې په تړاو د یاد شرکت استازی نیول شوی او د چاودنې د علت د معلومولو لپاره یو ځانګړی څېړنیز ټیم جوړ شوی دی.
د راپور له مخې، جیاپنګ بایوټکنالوژي شرکت د ۲۰۲۵کال په جون میاشت کې جوړ شوی و او د حیواني خوراک، د سکرو اړوندو محصولاتو او ساختماني موادو په څېړنه او تولید کې یې فعالیت درلود.
تر اوسه د چاودنې د دقیق علت په اړه نور جزییات نه دي خپاره شوي.