د غزې د روغتونونو طبي سرچینو د الجزیرې شبکې ته ویلي، د جمعې سهار (اګست ۲۹) له راپیل راهیسې د اسراییلو بریدونو کې لږترلږه ۴۱ فلسطینیانو ژوند له لاسه ورکړی دی.
د وژل شویو په منځ کې درې هغه کسان هم شامل دي چې د مرستو د ترلاسه کولو لپاره په لیکو کې ولاړ وو.
د راپورونو له مخې، د تېرو څو ورځو په اوږدو کې د اسراییلو هوايي او توپچي بریدونو پر بېلابېلو سیمو پراخ شوي او زیاتره قربانیان یې ښځې او ماشومان دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د ځایي سرچینو په وینا، ګڼ کورونه نړېدلي، لسګونه کورنۍ بېځایه شوي او روغتیایي مرکزونه د درملو او تجهیزاتو له سخت کمي سره مخ دي.
انساني بنسټونه خبرداری ورکوي چې د بریدونو دوام به د بشري ناورین کچه نوره هم لوړه کړي، ځکه د غزې زیاتره اوسېدونکي له مخکې د اوبو، برېښنا او خوراکي توکو له کمښت سره مخ دي.
نړیوالې ټولنې یو ځل بیا پر اسراییلو غږ کړی چې له ملکي وګړو د هدف کولو ډډه وکړي او د بشري مرستو د خوندې لېږد زمینه برابره کړي.