د احصایې نړۍ په نوم نړیواله اداره وايي چې افغانستان کې مشهوره او ډېره خوښونکې لوبه، «کرېکټ» دی.
دغې ادارې پر خپله اېکسپاڼه د نړۍ د بېلابېلو هېوادونو او یادو هېوادونو کې د مشهورو لوبو نوملړ خپور کړی چې افغانستان د کرېکټ لوبې سره د یاد نوملړ په سر کې دی.
د سلاموطندار پښتو فېسبوکپاڼه وڅارئ
اسټرالیا بیا د «اسټرالیايي فوټبال» لوبې سره دویم، بنګلهدېش په کرېکټ لوبې سره د نوملړ درېیم ځای کې دی.
همداراز پاکستان کې مشهوره لوبه کرېکټ، بوتان کې وتلې لوبه، د غشې وېشتنې لوبه، د کاناډا مشهوره لوبه پر یخ هاکي او مصر او انګلستان کې هم فوټبال مشهورې لوبې دي.
افغانستان کې له کرېکټ، سربېره، فوټبال هم ګڼ مینهوال لري او د ولایتونو ترڅنګ د هېواد په کچه هم د یادې لوبې لیګونه جوړېږي.
اوزلوبه بیا د افغانستان ملي لوبه ګڼل کېږي او ترڅنګ یې، په دې وروستیو کې د افغانستان فوټسال ملي لوبډلې هم په نړیواله کچه ښې لاستهراوړنې لري.
د افغانستان د بدني روزنې او ورزش عمومي ریاست د معلوماتو له مخې، دا مهال افغانستان کې شاوخوا ۶۰ ورزشي فدراسیونونه فعالیت لري چې ګڼشمېر ورزشکاران او لوبغاړي یې، غړي دي او په کور دننه او بهر لاستهراوړنې هم لري.