د کورنیو چارو وزارت د پاکستان له حکومت او د کډوالو نړیوال سازمان څخه غوښتنه کړې چې دغه هېواد ته د پاکستاني کډوالو د بېرته ستنېدو زمینه برابره کړي.
د کورنیو چارو وزارت ویاند عبدالمتین قانع دغه څرګندونې نن (دوشنبه، غبرګولي ۲۹) کابل کې د یوې خبري ناستې پر مهال کړې دي.
د سلاموطندار پښتو فېسبوکپاڼه وڅارئ
نوموړي وویل: «کله چې وزیرستان کې ستونزې رامنځته شوې، کډوالو دلته «افغانستان» ته راغلل. طبعآ کډوال د نړیوالو قوانینو له مخې، خپل حقوق لري. موږ کوښښ کوو چې ټولې اسانتیاوې ورته برابرې کړو.»
قانع زیاته کړه که د پاکستاني کډوالو د بېرته ستنېدو زمینه برابره نهشوه او افغانستان کې پاتې شول، ا.ا به هڅه وکړي، څو افغانستان کې یې ټول حقوق تامین کړي.
له دې وړاندې د پاکستاني کډوالو منځ کې د ټيټيپي غړیو د شتون او د تخار دشتقلعه ولسوالي ته یې د ۳۲۰ غړیو د لېږد په اړه ځینو رسنیو راپورونه هم خپاره کړي وو.
د ا.ا ویاند ذبېحالله بیا دغه راپورونه بېبنسټه بللي او ویلي یې دي چې یوازې هغه پاکستاني کډوال به نورو ولایتونو ته لېږدوي چې د پاکستان حکومت یې له شتون اندېښنه لري.
د مجاهد په وینا، دا مهال له ۷۰۰۰ تر ۸۰۰۰ پاکستاني کډوال د ډیورنډ کرښې دې غاړې کې اوسېږي.