د کرېکټ شل اووره نړیوال جام په سوپر ۱۲ پړاو کې د انګلستان د کرېکټ ملي لوبډلې نن سریلانکا ته په ماتې ورکولو سره له نیوزیلنډ وروسته نیمه پایلوبو ته لار پیدا کړه.
د سریلانکا کرېکټ ملي لوبډلې په یاده لوبه کې لومړی توپوهنه وکړه او په ټاکل شویو شلو اورونو کې یې د اتو لوبغاړو په سوځېدو ۱۴۱ منډې جوړې کړې او انګلستان ته یې د ۱۴۲ منډو هدف ورکړ.
د انګلستان د کرېکټ ملي لوبډلې ورکړل شوی هدف د شپږو لوبغاړو په سوځېدو د لوبې د وروستي اوور په څلورم بال ترلاسه کړ او د یادو سیالیو نیمه پایلوبې ته یې لاره پیدا کړه.
د نړیوال جام د سوپر ۱۲ پړاو له الف ګروپ څخه نیوزیلنډ، انګلستان او سریلانکا اووه-اووه امتیازونه ترلاسه کړل، خو نیوزیلنډ او انګلستان د غوره رنز رېټ له کبله نیمه پایلوبې ته لاره پیدا کړه.
سلاموطندار پر ټویټر هم وڅارئ
سبا به د یادو سیالیو له دویم ګروپ څخه سوېلي افریقا د نیدرلنډ، پاکستان د بنګلدېش او هند د زمبابوې پر وړاندې لوبې وکړي.