د کرېکټ شل اووره نړیوال جام په ۱۲ غوره پړاو سیالیو کې نن کوربه اسټرالیا لوبډله له سریلانکا سره لوبه کوي.
ټاکل شوې چې دغه سیالي نن ۳:۳۰ بجې د اسټرالیا په پرټ لوبغالي کې پیل شي.
کوربه اسټرالیا لوبډلې د روان کرېکټ شل اووره نړیوال جام کې خپله لومړۍ سیالي نیوزیلنډ ته بایللې، خو د سریلانکا لوبډلې بیا په خپله لومړۍ لوبه کې ایرلنډ ته ماته ورکړې ده.
د اسټرالیا او سریلانکا کرېکټ لوبډلو ترمنځ په شویو وروستیو پنځو لوبو کې درې ځلې اسټرالیا او دوه ځلې سریلانکا بریا خپله کړې ده.
په ورته مهال سریلانکا په خپلو وروستیو پنځو شل اووره سیالیو کې یوازې یوه لوبه بایللې او پاتې څلور یې ګټلې دي. خو اسټرالیا بیا درې بایللې، یوه یې د باران له امله بېپایلې اعلان شوې او یوې سیالي کې یې بریا خپله کړې ده.