د نسايي- ولادي انجمن مسوولانو ویلي چې د زېږون پر مهال په هرو ۱۰۰زره ښځو کې ۶۳۸ مېرمنې خپل ژوند له لاسه ورکوي.
د افغانستان د نسايي- ولادي ډاکټرانو د انجمن مسووله نجمالسما شفاجو پرون شنبه د لیندۍ پنځمه هرات کې د یاد انجمن د دویم سمپوزیم د جوړېدو پر مهال وویل چې په منځنۍ کچه د زېږون پر مهال په هرو ۱۰۰زره ښځو کې ۶۳۸ مېرمنې مري چې دې شمېرو ته په پام افغانستان د مېندو لپاره تر ټولو خطرناک هېواد دی.
د نوموړې په وینا، په لرو پرتو سیمو کې د مسوولانو ناغېړي، د درملو کمښت، معیاري روغتیايي خدمتونو ته نه لاسرسی لامل شوی چې یادو سیمو کې د زېږون پر مهال د مېندو مړینه ډېره شي.
بلخوا د هرات د عامې روغتیا ریاست مرستیال محمداصف کبیر په دې سمپوزیم کې ویلي چې دې ولایت کې د روغتیايي مرکزونو او بشري ځواک د ډېرېدو له کبله د زېږون پر مهال د مېندو مړینه راکمه شوې ده.
سلاموطندار پر ټوېټرپاڼه هم وڅارئ
دا په داسې مهال دی چې د هېواد په لرو پرتو سیمو په ځانګړې توګه بادغیس، فراه او غور ولایتونو کې خلک کمو روغتیايي خدمتونو ته لاسرسی لري.