د پکتیکا ګیان ولسوالي کي د ۴۶۱ زلزلهځپلیو کورنیو ته د کورونو جوړولو لپاره دویم قسط نغدې پیسې ورکړل شوې.
د پکتیکا د طبیعي پېښو په وړاندې د مبارزې او چمتوالي رييس مولوي مطيعالله منصور وايي چې په زلزلهځپلي ګیان ولسوالي کی د «IOM» نړيوالې موسسې په مالي ملاتړ ۴۶۱ کورنیو ته د کورونو جوړولو لپاره دویم قسط نغدې پسې ورکړل شوې.
مطیعالله منصور زیاته کړه چې ګیان کې د ۴۶۱ کورنيو څخه هرې کورنۍ ته «۱۱۹۶۰۰» افغانۍ ورکړل شوي چې ټوټال «۵۵۱۳۵۶۰۰» افغانی کېږي.
د ګيان ولسوالي زلزله ځپلو ته تراوسه هم په بشپړه توګه سرپناه نهده برابره شوې. دوی له سرپرست حکومت په وار وار غوښتنه کړې چې د سرپناه ترڅنګ ورته نورې لومړنۍ اسانتیاوې هم برابرې کړي.
سلاموطندار پر ټویټر هم وڅارئ
له دې وړاندې ځینو نورو خیریه بنسټونو په خپل مالي لګښت د پکتیکا ګیان ولسوالي سربېره نورو زلزلهځپلیو ته کورونه جوړ کړې دي.