Asset 1SWN

سلام وطندار

روزګان کې په ۲۹ میلیونه افغانۍ جوړ شوی پُل پرانېستل شو

IMG-20250118-WA0067

د روزګان په ګېزاب ولسوالي کې د ۲۹ میلیونه افغانیو په لګښت جوړ شوی پُل ګټې‌اخیستنې ته سپارل شوی دی.

د روزګان د ټولګټو رییس مولوي ادم خان نعماني وایي، دغه پُل ۱۱۰ متره اوږدوالی او ۹.۴ متره پلنوالی لري او په وینا یې، د دې پروژې بشپړېدل، د دواړو ولایتونو لپاره یو مهم پرمختګ دی.

د سلام‌وطندار پښتو فېسبوک‌پاڼه وڅارئ

نعماني زیاته کړه چې له اوږدې مودې راهیسې د خلکو له لوري د دې پُل د جوړېدو غوښتنه کېده.

نوموړي وویل: «تېرکال دا پروژه د ټولګټو وزارت له‌خوا په قرارداد ورکړل شوه. د دې پله د جوړېدو لپاره ۲۹ میلیونه افغانۍ ځانګړې شوې وې. نن دا پل خلکو ته سپارل کېږي او موږ یې د ګټې‌اخیستنې لپاره ډېر خوښ یوو.»

بل‌خوا د ګېزاب ولسوال مولوي امیرحمزه حنفي بیا وایي، پخوا د دې پُل نشتوالي په دلیل خلک له ګڼو ستونزو سره مخ وو چې په ځینو مواردو کې ان خلکو خپل ژوند له لاسه ورکړی دی.

هغه وویل: «د دې پله نشتون د ګڼو ستونزو لامل و. د لرګیو پخوانی پل خراب شوی و او څو ځله پېښې رامنځته شوې. په یوه پېښه کې د موټر د لوېدو له امله ۸ کسان مړه شول. اوس خلک له دې غمیزو خلاص شول.»

د سیمې اوسېدونکي هم د دې پل پر جوړېدو خوښي څرګندوي. د ګېزاب ولسوالي یو اوسېدونکی حضرت ولي وایي: «پخوا به خلک د لرګیو له پله څخه تېرېدل چې ډېر زیانونه یې لرل. هره ورځ به خلک د اوبو په سېلاب کې لوېدل. د دې نوي پله پر جوړېدو سره موږ ډېر خوشحاله یو.»

د روزګان او دایکندي ولایتونو ترمنځ د هلمند پر سیند نوی جوړ شوی پل، نه یوازې د دواړو ولایتونو اوسېدونکو ته د تګ‌راتګ اسانتیاوې برابروي، سیمه کې د پرمختګ یوه بېلګه هم ده.

سلام‌وطندار پر اېکس هم وڅارئ

د یاد ولایت اوسېدونکي همداراز له دولت څخه غوښتنه کوي چې په راتلونکي کې د ولسي وګړو ورته نورې اړتیاوې هم برابرې کړي.

مرتبط با این خبر:

به اشتراک بگذارید:
اخبار و تحلیل‌های مرتبط

اخبار و گزارش‌های سلام وطن‌دار را از شبکه‌های اجتماعی دنبال کنید:

فیسبوک

توییتر

تلگرام