په غزني کې یوشمېر امېندواره مېرمنې وايي، د امېندوارۍ پر مهال ساهلنډي ورته پیدا کېږي او ځینې وخت له دې ناروغۍ د وتلو لپاره ځانګړي درمل وخوري چې په وینا یې، ښايي ماشوم ته یې زیان ورسېږي.
دوه امېندواره مېرمنې مرضیه او لیلی چې ساهلنډي یې ځوروي وايي، د امېندوارۍ په منځنیو میاشتو کې پر دې ناروغي اخته کېږي.
په فاریاب کې یوشمېر بڼوال وايي چې په دغه ولایت کې د موسمي بارانونو د ورېدو او ښه اقلیم له کبله د انګورو حاصلاتو کې د پام وړ زیاتوالی راغلی دی.
د غزني په مرکز او ولسوالیو کې د خلکو په شخصي لګښت د تېرو شپږو میاشتو پرمهال د څه باندې ۴۵ میلیونه افغانیو په لګښت د څه باندې ۳۰ ښوونځیو او دیني مدرسو د جوړېدو چارې پیل کړې دي.
د صنعت او سوداګرۍ وزارت مسوولان وایي، د روان کال په لومړیو پنځو میاشتو کې افغانستان له یوشمېر هېوادونو سره ۴ میلیارده او ۶۰۰ میلیونه ډالره سوداګریزه راکړه ورکړه کړې.
د یاد وزارت د مسوولانو په وینا، د یادې سوداګریزې راکړې ورکړې له ډلې څخه ۴ میلیارده او ۹۱ میلیونه ډالره یې، واردات او ۵۰۹ میلیونه ډالره یې صادرات دي.
المان کې یو بنسټ وايي چې دغه هېواد کې هره ورځ ۵۰۰ کسان د ځانوژنې هڅې کوي.
د المان د ژور خپګان سره د مرستې بنسټ دغه څرګندونې د ځانوژنې د مخنیوي نړیوالې ورځې په مناسبت کړي دي.
د جوزجان په قوشتېپه او درزاب ولسوالیو کې په ۱.۴ میلیارډ افغانۍ د ۵۱ کیلومټره سړک د قیراچوونې چارې پیل شوې.
د جوزجان د ټولګټو ریاست مسوولان سلاموطندار ته وايي چې دغه سړک ۶ مټره پلنوالی لري چې ورسره دوه پُلونه، ۱۳۷ کوچني پُلونه او د ویالو سربېره استنادي دیوالونه هم لري.
د خوست شمل خرم فرعي سينديزې حوزې رياست مسوولان وايي، په مرکز او څلورو ولسواليو کې د اته کارېزونو د بيارغونې او پاکولو چارې پيل شوې.
د یادې سينديزې حوزې رییس عبدالقيوم ثابت وايي، د یادو کاريزونو د بيارغونې او پاکولو پروژې لګښت د يونسکو له لوري ورکول کېږي.
د کار او ټولنیزو چارو وزارت مسوولان وايي چې د کار ملي کنفرانس په جوړولو او یوشمېر ادارو سره د هوکړهلیکونو د لاسلیک له لارې غواړي چې ۱.۵ میلیونه کسانو ته په مستقیم او غیرمستقیمه توګه د کار زمینه برابره کړي. د دغه وزارت په وینا، په تېر یوه کال کې د کار بازار له اړتیا سره سم، ۷۴۷۳۸ کسانو ته فني او حرفوي زدهکړې ورکړل شوي دي.
په لوېدیځه غاړه کې درې اسراییلي ملکي وګړي هغه مهال وژل شوي چې یوه وسلهوال پرې د اردو له پولې ډزې وکړې.
رویټرز خبري اژانس په یوه راپور کې ویلي، له هغه وخت راهیسې چې حماس د اکتوبر پر اوومه پر اسراییلو برید وکړ، اردون سره د پولې په اوږدو دا د خپل ډول لومړی برید دی.
د ونزویلا د ولسمشریزو ټاکنو نوماند او د اپوزیسیون مشر ادموندو ګونزالس اسپانیا ته تښتېدلی او هلته یې، د پناهغوښتنه کړې. رویټرز خبري اژانس نن
