د میدانوردګ د پوهنې ریاست چارواکي وایي چې په جغتو ولسوالي کې په شخصي لګښت د «بیدموشک» منځیني ښوونځي ته ودانۍ جوړه او نن ګټې اخیستنې ته وسپارل شوه. د یاد ولایت د پوهنې رییس محمدعثمان حریت د یادې ودانۍ پرانېستغونډې ته وویل، دغه ښوونځی لس درسي خونې، اداري خونه او تشنابونه لري.
اپل کمپنۍ هند کې د حکومت یوشمېر مخالفو څېرو ته خبرداری ورکړی چې ښايي ټیلیفونونه یې د حکومت ملاتړو هکرانو لهخوا هک شي.
یاد شرکت نن سهشنبه د اکتوبر ۳۱مه هغو کسانو ته چې ښايي موبایلونه یې هک شي، پیغامونه استولي دي.
د سوریې په شمال لوېدیځ کې د حکومتي او روسیي ځواکونو لهخوا په روانه اکتوبر میاشت کې څه باندې ۶۵ ملکیان وژل شوي دي.
الجزیرې خبري شبکې نن سهشنبه د اکتوبر ۳۱مه راپور ورکړی چې دغه تاوتریخوالی د تېرو درېوو کلونو په پرتله تر ټولو ځپونکی دی.
پکتیا کې د شاتو مُچیو یوشمېر فارم لرونکي دغه ولایت کې د شاتو خرڅلاو لپاره د مناسب بازار نشتون له امله شکایت کوي.
دوی سلاموطندار ته وايي، که څه هم په ډېرې سختۍ سره د شاتو مُچیو پالنه کوي، خو په وینا یې، خرڅلاو لپاره یې بازار نهلري.
د غزني محلي مسوولان وايي چې د دغه ولایت اړوند ناوې ولسوالي ته د ۲۰ میلیونه افغانیو په لګښت اداري ودانۍ جوړېږي.
یادې ولسوالي ته د اداري ودانۍ د جوړېدو چارې نن سهشنبه د لړم نهمه د دغه ولایت د محلي چارواکو له لوري پرانېستل شوې.
د هند په کوربهتوب د روان یو ورځنیو سیالیو نړیوال جام کې د بنګلدېش کرېکټ ملي لوبډله نن د پاکستان کرېکټ ملي لوبډلې سره لوبه کوي.
ټاکل شوې دغه لوبه نن سهشنبه د اکتوبر ۳۱مه د هند د کلکتې په «اېډن ګارډېنز» لوبغالي کې ترسره شي.
هرات کې د شوې زلزلې له امله له زیانمنو شویو سره د مرستو په لړ کې تازه جاپان یادو زلزلهځپلیو سره یو میلیون ډالر مرسته اعلان کړې ده.
د خوړو نړیوال پروګرام نن سهشنبه د لړم نهمه پر اېکس «ټوېټرپاڼه» لیکلي چې د جاپان دغه مرسته به د زلزلهځپليو ستونزو راکمولو برخه کې ګټوره تمامه شي.
د بهرنیو چارو وزارت چارسمبالي امیرخان متقي ترکیې ته د خپل سفر پرمهال له خپل ترکي سیال هاکان فیدان سره کتلي دي.
د بهرنیو چارو وزارت ویاند عبدالقهار بلخي پر اېکس «ټوېټرپاڼه» لیکلي چې متقي په دې لیدنه کې د دواړو لوریو ترمنځ د دوه اړخیزو اړیکو پر پیاوړتیا، سوداګرۍ او یوشمېر نورو موضوعاتو بحث او خبرې کړې دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
