په بدخشان ولایت کې د هېواد په کچه د کرنیزو څېړنو درویشتم فارم پرانېستل شو. د کرنې، اوبو لګولو او مالدارۍ وزارت د کرنیزو څېړنو د انسټېټیوټ رییس نصرتالله طلحه د یکشنبې په ورځ د بدخشان په مرکز فیضاباد کې په دې اړه جوړه شوې غونډه کې وویل چې د یاد فارم په جوړېدو سره به د دغه ولایت باغلرونکو ته لازمې اسانتیاوې برابرې شي.
د عامې روغتیا وزارت مسوولان وايي چې له ۲۰۲۲ کال راهیسې تر دې مهاله د زړه پر ناروغي اخته ۲۶زره او ۹۴۶ ناروغانو روغتونونو ته مراجعه کړې چې ډېری یې لاهم بستر دي.
د روزګان روغتیايي چارواکي وايي چې دغه ولایت کې یې د پولیو یا ګوزڼ ضد واکسین درې ورځنی کمپاین کړ. دغه کمپاین نن پیل او تر راتلونکو درېوو ورځو به دوام وکړي.
د کورنيو چارو وزارت لومړی مرستیال وايي په بهر کې جهادي مشران او سياسيون دې له اختلافاتو لاس واخلي.
د کورنيو چارو وزارت لومړی مرستیال محمدنبي عمري وايي چې له هېواد بهر د جهادي مشرانو له لوري له ا.ا د مذاکرې غوښتنه حیرانونکې ده.
د بهرنیو چارو وزارت سرپرست امیرخان متقي له پاکستان غوښتنه کړې چې له افغانستان سره دې اختلافات د ډيپلوماټیکو خبرو له لارې حل کړي.
امیرخان متقي دغه څرګندونې د مسکوفارمټ ناستې څنډه کې د پاکستان او چین استازیو سره د لیدنې پر مهال کړې دي.
د ټولګټو وزارت ویاند محمداشرف حقشناس سلاموطندار ته ویلي چې د سالنګ تونل په ګډون د یادې لویې لارې رغنیزې چارې په چټکۍ روانې دي.
حقشناس زیاته کړه چې د سالنګ تونل د لومړۍ طبقې د کانکرېټ اچوونې چارې تر یوه کیلومټر بشپړې شوي او په وینا یې، هڅه کوي چې چارې یې ژر بشپړې کړي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
