د ګوزڼ ضد واکسین کمپاین نن د کابل په ګډون د هېواد په ۲۸ ولایتونو کې پیل شو. د عامې روغتیا وزارت ویاند شرافت زمان امرخېل وايي، د ګوزڼ ضد واکسین دغه پړاو چې څلور ورځې دوام کوي، کور په کور او جومات په جومات پلی کېږي. هغه زیاتوي چې د دغه کمپاین پر مهال به یوولس میلیونه ماشومان چې له پنځو کلونو کم عمر لري، واکسین شي.
که څه هم هېواد کې خبریالان ګڼو اقتصادي او نورو ستونزو سره مخ دي، خو د پکتیکا محلي خبریالانو د بېوزله خلکو د لاسنیوي او دوی ته د کاري زمینې برابرولو لپاره د «خبریال» په نوم خیریه بنسټ جوړ کړی دی.
د لوړو زدهکړو وزارت مسوولان وايي چې د تېر کال پر مهال دولتي پوهنتونونو کې ۸۵۰ نوي استادان جذب شوي چې له ډلې یې ۵۵۰ استادان د اسلامي ثقافت دي.
د یاد وزارت مسوولانو دغه څرګندونې نن دوشنبه د زمري ۳۰مه ملت ته د دولت حساب ورکولو پروګرام کې د خپل کلني راپور وړاندې کولو پر مهال کړې دي.
د لوګر د پوهنې ریاست چارواکي وایي چې د یاد وزارت د رهبرۍ د حکم له مخې د لوګر مرکز پلعلم ښار او ولسوالیو دیني مدرسو ته ۷۱۲ ښوونکي ګومارل کېږي.
د افغانستان د کرېکټ ملي لوبډله په سریلانکا کې له خپل سیال پاکستان سره د درېوو یو ورځنیو سیالیو د لوبلړۍ لومړۍ لوبه کوي.
ټاکل شوې چې دغه لوبه سبا سهشنبه د زمري ۳۱مه د سریلانکا د همبنټوټا په «ماهېنډا راجاپاکسا نړیوال لوبغالي» کې ترسره شي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
