د صنعت او سوداګرۍ وزارت مسوولان سلاموطندار ته وايي چې د «جنس په جنس» سوداګرۍ پر طرحې کار روان دی او تر راتلونکې یوې میاشت به بشپړه شي.
د یاد وزارت ویاند جواد اخندزاده وايي چې د دغه وزارت مسلکي ټیمونه د بارټر «جنس په جنس» سوداګرۍ طرحې باندې کار کوي او تر راتلونکې میاشت به یې کار بشپړ شي.
فاریاب کې د لاسي صنایعو یوشمېر تولېدونکې مېرمنې وايي چې د ملاتړ نهشتون له امله یې د توکو د پلور بازار پیکه شوی دی.
د لاسي صنایعو یوه تولیدونکې زینب وايي چې د دوی د لاسي صنایعو څخه نه ملاتړ لامل شوی چې د پلور بازار یې کمه رنګه شي.
هغه له حکومت او ملي سوداګرو غواړي چې د کورنیو تولیداتو برخه کې له تولیدونکو ملاتړ وکړي.
د عامې روغتیا وزارت مسوولان وايي چې نن شنبه د چنګاښ ۱۷مه د هېواد په ختیځو ولایتونو کې یې د پولیو «ګوزن» ضد واکسین کمپاین پیل کړ چې څلور ورځې به دوام ولري.
د یاد وزارت د مسوولانو په وینا، دې کمپاین کې به له پنځو کلونو کم عمره ۱.۲ میلیونه ماشومان د پولیو یا ګوزن ضد واکسین ترلاسه کړي.
تورخم کې امنیتي مسوولان وايي چې بېګاه شپه د چنګاښ ۱۶مه د دغه بندر له لارې پاکستان ته د کرومایټ ډبرو د قاچاق مخه یې نیولې ده.
د تورخم استخباراتو مدير محمداقبال تکل وايي چې ۳۵ ټُنه کرومايټ ډبره چې په یوه ټېلر موټر کې پاکستان ته په جعلي اسنادو لېږدول کېدل، نیول شوي دي.
د میدان وردګ ولایت د امنیې قومنداني مسوولان وایي چې پرون «جمعه د چنګاښ ۱۶مه» د دغه ولایت په جلرېز ولسوالي کې د یوې ټرافیکي پېښې له امله دوه کسان مړه او نهه نور ټپیان شوي دي. خبرپاڼه زیاتوي چې پېښه د موټر چلوونکو د بېاحتیاطۍ له امله رامنځته شوې ده.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
