جوزجان ولایتیدن امنیتی بیر منبع نینگ کیملیگی سیرقالیشنی ایستهب سلاموطندارگه ایتیشیچه، طالبان گروهی اوشبو ولایت مرکزی شبرغان شهریده کینگ شکلده هجوم قیلگن و نتیجهده ولایت مقامی، جنبش قصری، پولیس قومندانلیگی، ملی خوفسیزلیک ریاستی، بلدیه ادارهسی، محکمه، ایکینچیلیک ریاستی، مستوفیت، قارهلاوچیلیک، مدنیت و معلومات ادارهسی و مارشال دوستم نینگ مسکونی اویی اوشبو گروه قولیگه سقوط قیلگن.
بیزلرنینگ فیسبوک صحیفهمیزگه باش اورینگ!
منبع نینگ ایتیشیچه، دولت نینگ دقتسیزلیگی سبب، شبرغان شهری طالبان قولیگه سقوط قیلگن و بوندن آلدین یارمحمد دوستم ۸ مرته اوشبو شهرنی طالبان قولیگه سقوط قیلیشیگه توسیق بولگن ایدی.
منبع نینگ ایتیشیچه، خواجه دوکوه تومنی بیلن بولگن رابطه کسیلگن و مذکور تومنده جایلشگن کوچلر سرنوشتیدن هیچقندهی معلومات قولگه یوق.
منبع نینگ کوپهیتیریشیچه، حاضرده امنیتی کوچلر جوزجان-بلخ کیریش کمربندی، یتم تاغ و چیغچی ده جایلشگنلر و مارشال عبدالرشید دوستم نینگ اوغلی یارمحمد دوستم امنیتی کوچلرنینگ کیینگه قیتیشلریگه توسیق بولیب وطن و اهالی اوچون جان بیریشگه تیار بولگنینی بیلدیرگن.
سلاموطندار اختیاریگه قرار تاپگن معلوماتلرگه کوره، شبرغان شهری و دولتی ادارهلر طالبان نظارتیگه اوتگن و اوشبو ولایت قماقخانهسیده بولگن کمیده ۱ مینگ محبوس طالبان تامانیدن آزاد ایتیلگن.
ایتیلیشیچه، جوزجان قماقخانهسی نینگ مدیری طالبان بیلن صورت تاپگن آتیشمهده هلاک ایتیلگن.
جوزجان یشاوچیلریدن بیرقطاری نینگ ایتیشلریچه، اوتگن کیچه امنیتی کوچلر و طالبان آرهسیده یوز بیرگن آتیشمه جریانیده بیرقطار دکانلر اوت آلگن و طالبان جنگریلری کینگ شکلده شبرغان شهریده حضور تاپگنلر.
جوزجان یشاوچیلریگه کوره، حاضرده شهر تعطیل ایتیلگن و شبرغان-بلخ قناو یولی نینگ کرایهسی ۱ مینگ افغانی و شبرغان-سرپل قتناو یولی نینگ کرایهسی ۷۰۰ افغانیگه کوپهیگن.
بیراق، مارشال عبدالرشید دوستم گه تیگیشلی حربیلر جوزجان-بلخ قتناو یولیده جایلشگنلر. اولرنینگ ایتیشلریچه، شبرغان شهرینی طالبان وجودیدن تازهلش خصوصیده تیارگرلیک آلماقدهلر.
بیزلرنینگ فیسبوک صحیفهمیزگه باش اورینگ!
عینحالده، طالبان سوزلاوچیسی ذبیحالله مجاهد نینگ ایتیشیچه، جوزجان مرکزی شبرغان شهری کامل صورتده، اوشبو گروه نظارتیگه اوتگن و محبوسلرنی آزاد قیلگنلر.