فواید عامه وزیرلیگی رسمیلری، مملکتنینگ تورلی حدودلریده کوچلی یامغیر یاغگنی و سوو تاشقینی یوز بیرگنی سببلی، بلخ-سمنگان، سالنگ و کابل-جلالآباد قتناو یوللری یاپیلگنینی معلوم قیلگنلر.
فواید عامه وزیرلیگی سوزلاوچیسی محمداشرف حقشناس، مملکتنینگ تورلی ولایتلریده کوچلی یامغیر یاغگنی و سوو تاشقینی یوز بیرگنی سببلی، سمنگان-بلخ، سالنگ و کابل-جلالآباد قتناو یوللری یوک تاشووچی و یولاوچی تاشووچی بوتون موترلر یوزیگه یاپیلگنینی بیلدیرگن.
شو بیلن بیرگه، سمنگان فواید عامه ریاستی، بلخ-سمنگان قتناو یولی تنگی تاشقرغان (تاشقرغان بوغوزی)ده یاپیلگنینی ایتگن.
فواید عامه وزیرلیگی خادملری، اوشبو یوللرنی تیزلیک بیلن آچیش اوچون سعی-حرکت قیلماقدهلیکلری ایتیلگن.
ترانسپورت و هوا یوللری وزیرلیگینینگ هواشناسلیک ریاستی بوگون مملکت ۳۲ ولایتیده احتمالی کوچلی یامغیر یاغیب و سوو تاشقینی یوز بیریشی حقیده آگاهلنتیرگن ایدی.
