بوگون ۱۴-جون خلقارا قان بیریش کونی دیر. مذکور کونده قان ملی بانک مسئوللری ولایت‌لرده قان بیریش آماری نینگ کمه‌یگنیدن خبر بیرگنلری بیر حالده، ساغلیق نی سقلش وزیرلیگی اوشبو کوندن خاطرلگن.
قان ملی بانک رئیسی محمدناصر صادق نینگ ایتیشیچه، مملکت یشاوچیلری قان بیریش خصوصیده ییترلیچه معلومات‌لری یوق و انه شوو سبب، اولر نیازمند کیشیلر گه قان بیرمه‌یدیلر.
او مذکور اداره‌لردن، قان بیریش خصوصیده مملکت یشاوچیلری گه معلومات بیریش اوچون کمپاین‌لر نینگ یولگه قوییشلری نی سوره‌گن.
بیزلرنینگ فیسبوک صحیفه‌میزگه باش اورینگ!
قان ملی بانک رئیسی نینگ ایتیشیچه: «حاضر ایسه ملی قان بانکی کابلده حیات کیچیره‌دیگن وطن‌داشلریمیز گه قان بیره‌آله‌دی بیراق ولایت‌لرده قان کملیگی بیلن روپه‌ره دیر. کابل یشاوچیلری قان بیریش خصوصیده ییترلیچه معلومات گه ایگه بولگنلری باعث، ۴۰ فایز یشاوچی مرکزده قان بیره‌دیلر. بیراق ولایت‌لرده بو ارقام آز دیر.»
باشقه بیر تامان‌دن، افغانستان ده دنیا ساغلیک نی سقلش تشکیلاتی نماینده‌سی صفی‌الله ندیب نینگ ایتیشیچه، حاضرگچه اهالی قان بیریش خصوصیده قورقه‌دیلر و اولر نینگ ایشانچ‌لری گه کوره، قان بیریش اولر نینگ بدن ساغلیکلری گه زیان ییتیشتیره‌دی.
افغانستان ده دنیا ساغلیق نی سقلش تشکیلاتی نماینده‌سی ساغلیق نی سقلش وزیرلیگی‌دن، جماعه‌ده قان بیریش مدنیتی نینگ رواجلنتیریلیشی نی ایسته‌یدی. شونده‌ی بیرحالده، اوروش و پارتلش‌لر‌ده یره‌لنگنلردن اَیری، شونینگدیک حیات‌ده قالیش اوچون یالغیز یوللری باشقه‌لردن قان آلیش گه مجبور قالگن کسل‌لر هم بار.
بیزلرنینگ توییترده هم تعقیب قیلینگ!
«تلاسیمیا» کسل‌لیگی گه چلینگن ۱۵ یاشر مسکا، هر آیده ایکی مرته قان آلیش گه مجبور دیر. اونینگ ایتیشیچه، طبیعی بیر شکلده حیات کیچیریشی اوچون هر آیده ایکی مرته منظم بیر شکلده قان تزریق بولیشی کیره‌ک. اونینگ ایتیشیچه: «بیر آیده ایکی مرته قان آله‌من و حیاتیمیز قطره قطره قان‌لرینگیزگه تیگیشلی دیر. مین و باشقه باله‌لر قان‌لرینگیز گه محتاج‌میز.»
شونده‌ی بیرحالده، ساغلیک نی سقلش وزیرلیگی اهالی‌دن، اهالی جانی نی قوتقریش اوچون قان ملی بانکی گه داوطلب بیر شکلده قان بیریش‌لری نی سوره‌گن.
