افغانستان ده سیاسی وضعیت‌لر اوزگریشی و مملکت ده خارجی پول‌لر بهاسی یوقاری کیتیشی بیلن برچه نرسه‌لر مخصوصاً ییگولیک و یاقیلغی ماده‌لر بها سی مملکت بازاریده نظیری کوریلمه‌گن شلکده یوقاری کیتگن.
بو اره ده، غزنی اهالی‌سی ییگولیک و یاقیلغی ماده‌لر بهاسی آشگنی دن قتیق ضررگورگن. بو ولایت اهالی‌سی نینگ سلام‌وطندارگه ایتیشیچه، ایش‌سیزلیک بولمه‌گنی یانیده، دستلبکی ماده‌لر بهاسی یوقاری کیتیشی بیر فاجعه دیر. اولر نینگ ایتیشیچه، اسلامی امارت مسوول‌لری قیمت ساتووچی‌لر نینگ آلدی نی آلیشی و قیمتلر کنترول ایتیشی اوچون تیزلیکده آدیم کوتاریشلری کیرک.
غزنی یشاوچیلریدن بیری عیدمحمد که بوندن آلدین کونده‌لیک ۳۰۰ دن آلیب ۴۰۰ افغانی درآمدی بار ایدی؛ بیراق سونگی آی‌لرده اینگ کوپ تاپگن بیرکون‌لیک درآمدی ۶۰ افغانی بولگن. اونینگ ایتیشیچه، بازارلر ده ایش یوقلیگی سبب، عایله احتیاج‌لری نی رفع قیله‌آلمه‌یدی.
بیزلرنینگ فیسبوک صحیفه‌میزگه باش اورینگ!
عیدمحمد نینگ کوپه‌یتیریشیچه:«ییگولیک ماده‌لر قیمت بولگن، دوکان‌دارلر نینگ ساتیش‌لری هم کمه‌یگن. اوتمیش‌ده ۳۰۰ دن آلیب ۴۰۰ افغانی گه قدر درآمدیم بار ایدی، لیکن حاضر ایسه ۵۰ دن ۶۰ افغانی گچه درآمدیم بار و قیمت‌لیک هم ایکی برابر آشگن. بیزلر ییگولیک ماده آلیش گه کوچی‌میز یوق.»
غزنی یشاوچیلریدن باشقه بیری عبدالقدیر نینگ ایتیشیچه:«۱۰ لیتر یاغ نینگ بیر بشکه‌سی ۲۰۰۰ افغانی گه یتیشگن، بیر بوجی وون ۳۴۰۰ افغانی گه یتیشگن. نرخلر نینگ کنترول قیلیش و دالر نرخی نینگ یوقاری کیشی گه توسیق بولیش اوچون هیچ کیم یوق.»
دوکاندارلریدن بیری غلام‌سخی، غزنی شهری نینگ بازاری ده دالر بهاسی نینگ کوپه‌یگنی باعث اوشبو بازار ده نرخلر یوقاری کیتگن. اونینگ ایتیشیچه:«قیمتلر یوقاری کیتگنی نی دلیلی، آمریکایی دالر دیر. بوتون سوداگرلر نینگ معامله‌لری دالر بیلن صورت تاپه‌دی و وارداتی ماده‌لر قیمت‌لری دالر بیلن معامله بوله‌دی.»
مملکت بازارلریده دالر برابریده افغانی پول بهاسی نینگ قویی کیلگنی ایتیلگن بیرحالده، غزنی ولایتی نینگ صراف‌لر بیرلشمه کمیته‌سی بو توغریده ایتیشیچه، سونگی تورت کونده دالر برابریده افغانی پول بهاسی قویی کیلگن و شونینگدیک تیزلیکده ییگولیک ماده‌لر و باشقه نرسه‌لر بهاسی کمه‌یشی ممکن.
عین حالده، غزنی بلدیه‌سی نینگ فرهنگی و اجتماعی خذمتلر عمومی مدیری عنایت‌الله عرفان نینگ ایتیشیچه، نرخلر بوتون مملکت بویلب یوزبیرگن بیر قیین‌چیلیگ دیر، بیراق اونگه کوره، غزنی بلدیه‌سی نینگ تفتیش و کوزه‌تووچی تیمی اوشبو ولایت‌ده قیمت ساتیش‌لیک آلدینی آلیش اوچون متعهد دیر و بویین ایگمه‌گنلر گه قرشی قانونی یول باریلیشی ممکن.
افغانستان کوپراق وارداتی بیر مملکت سنله دی، که ییگولیک ماده‌لر، یاقیلغی و باشقه سوداگرلیک نرسه‌لر دن کوپینچه‌سی باشقه مملکت‌لردن اینقسه قوشنی مملکت‌لردن وارد بوله‌دی.
