غزنی یشاوچیلریدن قطاری، اوشبو ولایت‌ده نقدی و غیر نقدی کمک‌لر بیر تور ترقه‌لمسلیگی و تانیشی بولگن‌لرگه بیریلیشی‌دن شکایت قیله‌دیلر.
فاطمه ناملی عیال نینگ ایتیشیچه، نیچه کوندن بیری اوی‌ده سوتلی چقه‌لاغینی قوییب یاردم سوره‌ش اوچون یاردم بیره‌دیگن اداره‌لرگه باش اوره‌دی. اونینگ اورغولشیچه کمک آلیش مقصدیده ایرتن‌دن شام گچه کوته‌دی؛ لیکن هیچ بیر نهاد حاضرگچه اونگه یاردم بیرمه‌گن.
فاطمه گه کوره: تورت کوندن بیری سوتلی چقه‌لاغیم‌نی اوی‌ده قوی‌گنمن، کیچه ساعت۷ گچه کوته‌من، کیچه ساعت ۷ ده اوی باره‌من. یاردم‌لر قالگن بولسه بیرسین‌لر، قالمه‌گن بولسه عیاللرنی کوتتیرمسدن دفتر ایشیگینی باغله‌سین‌لر.»
یاردم آلیش مقصدیده کیلگن عادله، مسجدلرده‌گی نماینده‌لر و گذر وکیل‌لریدن محتاج‌لرنی رویخط‌که آلیش جریانی شفاف بولمسلیگیدن نالیب ایتیشیچه، اسمی یاردم آلووچی‌لر رویخطی‌که کیریتیله‌دی؛ بیراق کمک ترقه‌تیلیشی چاغیده اونگه خبر بیریلمه‌دی.
بیزلرنینگ فیسبوک صحیفه‌میزگه باش اورینگ!
غزنی‌ده انسان پرور بیر جمغرمه ایشیگی یقینیده توپلنگن اوشبو ولایت یشاوچیلری نینگ ایتیشلریچه، کمک‌لر کوپراق تانیشی بارلرگه ترقه تیله‌دی و محتاج‌لرگه کیمسه دقت قیلمه‌یدی.
بیراق غزنی قاچقینچیلر ریاستی نینگ مدیری دُرمحمد کاکرنینگ ایتیشیچه، اسلامی امارت حاکمیتی‌دن حاضرگچه ۳مینگ ۱۲۱ کمبغل عایله‌گه نقدم یاردم کورسه‌تیلگن. اونگه کوره، هر بیرعایله‌گه ۲۲۵دن ۴۰۰ دالرترقهتیلگن.
دُرمحمد کاکر، محتاج عایله‌لرنی تیکشیریش‌ده قیینچیلیک بارلیگینی تصدیقلب ایتیشیچه، غزنی قاچقینچیلر ریاستی بوکبی مشکل‌لر حلی مقصدیده سعی-حرکت قیلماقده.
بیزلرنینگ توییترده هم تعقیب قیلینگ!
شونینگدیک، غزنی مدنی جماعه‌چیلیک فعال‌لری و یشاوچیلریدن قطاری اسلامی امارت و انسان پرور جمغرمه‌لردن، قشاق و کمبغل‌لرنی رویخط که آلیش بوییچه بی فرق بولمسلیک‌لرینی طلب قیلیشه‌دی.
