مملکت نینگ جنوب‌شرق حوزه (خوست، پکتیا، لوگر و پکتیکا) خبرچیلری نینگ سلام‌وطندار گه ایتیش‌لریچه، معلومات قولگه کیلتیریش اوچون حاضرگچه قیین‌چیلیک بیلن روپه‌ره‌لر و انه شوو سبب، امنیتی و تولیدی گزارشلر نی درست و وقتی‌ده تیار قیله آلمه‌یدیلر.
اولر اوشبو ولایت‌ده‌گی اسلامی امارت مسئوللریدن معلومات‌لر نی وقتی‌ده خبرچیلر نینگ اختیاری گه قرار بیریش‌لری نی ایسته‌یدیلر. جنوب‌شرق حوزه خبرچیلریدن بیری حبیب‌الرحمان سراب، مسئوللر نینگ صحبت قیلیش اوچون حاضر بولمه‌یشلری و تورلی بهانه‌لر بیلن وقت نی ضایع قیلیش‌لری خصوصیده شکایت قیله‌دی.
بیزلرنینگ فیسبوک صحیفه‌میزگه باش اورینگ!
شونینگدیک جنوب‌شرق حوزه خبرچیلریدن باشقه بیری سردارولی بهیج نینگ ایتیشیچه، معلومات گه قول تاپه آلمه‌یشی اوچون، امنیتی و تحقیقی گزارشلر خصوصیده گزارش تیار قیله‌آلمه‌یدی.
شونده‌ی بیرحالده، جنوب‌شرق ولایت‌لر نینگ معلومات و مدنیت ریاست رئیس‌لری نینگ سلام‌وطندار گه ایتیش‌لریچه، اوتمیش گه قره‌گنده معلومات گه قول تاپیش زمینه‌سیده کوپینچه قولای‌لیک کیلگن.
لوگر معلومات و مدنیت ریاست رئیسی رفیع‌الله صمیم نینگ ایتیشیچه، اسلامی و افغانی ارزش‌لر اساسیده رسانه‌لر گه ایرکین‌لیک بیریلگن و خبرچیلر معلومات گه قول تاپه‌آله‌دیلر.
شونینگدیک پکتیا معلومات و مدنیت ریاست رئیسی خالقیار احمدزی تاکید قیلگن که، خبرچیلر و رسانه‌لر ایشلاوچیلری ییغین‌لر گه دعوت بوله‌دیلر و قیین‌چیلیکلری خصوصیده صحبت قیله‌دیلر.
باشقه بیر تامان‌دن، خوست معلومات و مدنیت ریاست رئیسی شبیراحمد عثمانی نینگ ایشانچ بیریب ایتیشیچه، خبرچیلر بیلن معلومات ارایه قیلیش و اولر گه قولای‌لیک یره‌تیلیشی خصوصیده همکارلیک قیله‌دی.
بیزلرنینگ توییترده هم تعقیب قیلینگ!
پکتیکا معلومات و مدنیت ریاست مسئوللری نینگ ایتیش‌لریچه، خبرچیلر بیلن یقین ارتباطی بار و اولر نینگ بوتون قیین‌چیلیکلری حل قیلینگن.
ییل‌لر آلدین معلومات گه قول تاپیش قانونی ارایه بولگن که ۶ بولیم و ۴۰ ماده‌سی بار، بیراق دولتی و خصوصی نهادلر مسئوللریدن قطاری اوشبو قانون‌دن مکمل بیر شکلده معلومات‌لری یوق.
