کابل سرای شهزاده صراف‌لر اتفاقی مسئوللری نینگ ایتیشلریچه، مملکت دن تشقری دالر قاچاقی اوتگن تورت آی گه نسبتن کوپه‌یگن.
بوگون (شنبه، ۷ عقرب)، صراف‌لر اتفاقی سوزلاوچیسی عبدالرحمان زیرک نینگ ایتیشیچه: «دالر قاچاقی اوتگن تورت آی گه نسبتن کوپه‌یگن، آلدی آلینمه‌گن تقدیرده، ییگولیک ماده و مملکت بازارلریده افغانی پول قیمتی اوستیگه سلبی تأثیر قیلیشی ممکن.»
بیزلرنینگ فیسبوک صحیفه‌میزگه باش اورینگ!
عین‌حالده ایچکی ایشلر وزیرلیگی نینگ ایتیشیچه، اوتگن بیر ییل ده مملکت دن تشقری دالر قاچاقی کوزگه کورینرلی درجه ده آلدی آلینگن.
مذکور وزیرلیک سوزلاوچیسی اورین باسری بسم‌الله حبیب گه کوره: «اسلامی امارت اوتگن بیر ییل ده مملکت دن تشقری پول قاچاقینی آلدینی آلگن و هیچ کیمگه، اولکه دن تشقری دالرنی قاچاق قیلیشگه رخصت بیرمه‌یدی.»
بیزلرنینگ توییترده هم تعقیب قیلینگ!
اونینگ کوپه‌یتیریشیچه، اسلامی امارت چیگره‌چیلری اوتگن نیچه آی ده، دالر قاچاقچیلری دن قطارینی قولگه آلگن.
ایتیش کیره‌ک که، اسلامی امارت حاکمیت گه ایریشگنیدن بویان، خارچی پول‌لر اینیقسه دالر برابریده افغانی پول مثل‌سیز درجه ده قدر سیز بولگن.
