روسیه تشقی ایشلر وزیری سرگی لاوروف، اوکراین اوروشی هسته‌یی اوروش و اوچینچی دنیا اوروشی گه سبب بولیشی ممکن دیب آگاه‌لنتیرگن.
او اوتگن کون روسیه رسانه‌لری بیلن اوتکزگن صحبتیده ایتگن که، حاضرگی خطرلر برابری‌ده بی فرق بولمسلیک کیره‌ک، بیراق روسیه بونده‌ی سناریولر گه توسیق بولیشنی ایسته‌یدی.
بیزلرنینگ فیسبوک صحیفه‌میزگه باش اورینگ!
روسیه تشقی ایشلر وزیری، اوکراین جمهور رئیسی ولودیمیر زلنسکی نی، صلح مذاکره‌لرینی بوزیب و بو توغریده جدی ایمسلیککه عیبله‌گن.
شونده‌ی بیرحالده، اوکراین تشقی ایشلر وزیری دمیترو کولبا نینگ توییتر صحیفه‌سیده یازیشیچه، روسیه نینگ مذکور بیاناتی اوکراین حمایتی‌دن قول تارتیش‌لری مقصدی‌‌ده دنیانی قورقیتماق اوچون سونگی امیدی نی کورسته‌دی.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «شونی اوچون اوچینچی دنیا اوروشی یوز بیریش خطری‌دن صحبت قیلینه‌دی. بو یالغیز بیر معنانی افاده قیله‌دی: مسکو اوکراین‌دن مغلوب بولیشی نی احساس قیلماقده.»
شونده‌ی بیرحالده، آمریکا و متحد‌لری بوگون اوکراین گه کوپینچه قورال یوباریش اوچون بیر ییغین یولگه قویه‌دی.
