ساختمانی و لوژستیکی شرکت‌لر مسئوللری، اسلامی امارت سرپرست حکومت تامانیدن ساختمانی پروژه‌لر نینگ پوللری توللنیشینی طلب قیله‌دیلر.
اوشبو پروژه‌لر سابق حکومت زمانیده عملی بولگن و بیرقطاری نینگ ایشی یریم قالگن.
بیزلرنینگ فیسبوک صحیفه‌میزگه باش اورینگ!
قندهارده اوتکزیلگن ییغینده اشتراک ایتگن افغانستان ساختمانی و لوژستیکی شرکت‌لر انجمن باشلیغی احمدفرید تاتار نینگ ایتیشیچه، حاضرگی کونده اوشبو شرکت‌لر نینگ کمیده ۶۰ میلیارد بودجه‌سی اسلامی امارت حکومتی اختیاری ده دیر.
اونگه کوره، ساختمانی شرکت‌لر نینگ پوللری توللنمسلیگی باعث، اکثر پروژه‌لر نینگ ایشلری توخته‌گن؛ چونکه بو شرکت‌لر حاضر مالی قیینچیلیک بیلن روپه‌ره دیر.
اونینگ ایتیشیچه، ساختمانی و لوژستیکی شرکت‌لردن قطاری تعطیل و مینگلب ایشچی ایش‌سیز قالگن.
احمدفرید تاتار گه کوره، اسلامی امارت حکومتی ساختمانی شرکت‌لر گه بیرمه‌یدیگن پول‌لر یالغیز اولردن ایمس، بلکه باشقه میلیون‌لرچه کیشی گه تیگیشلی.
افغانستان ساختمانی و لوژستیکی شرکت‌لر انجمن باشلیغی نینگ کوپه‌یتیریشیچه، اسلامی امارت حکومتی ساختمانی شرکت‌لر نینگ پوللرینی توللمه‌گن تقدیرده، مذکور شرکت‌لر فعالیت قیله آلمه‌یدی.
بیزلرنینگ توییترده هم تعقیب قیلینگ!
قندهار ده‌گی ساختمانی شرکت‌لر انجمن باشلیغی حاجی فدامحمد ماکو نینگ ایتیشیچه، سابق دولت زمانیده باشلنگن برچه پروژه‌لرنینگ ایشی حاضر توخته‌گن.
اونگه کوره، ساختمانی و لوژستیکی شرکت‌لر آی‌لردن بویان خادم‌لری نینگ معاش‌لرینی توللمه‌گن و اسلامی امارت، شرکت‌لر نینگ پوللرینی بیرمه‌گن تقدیرده، اولر مردم نینگ پوللرینی توللـه‌ی آلمه‌یدیلر.
