افغانستان‌ده بیرلشگن ملت‌لر تشکیلاتی نینگ اورین باسرلیک هیأت دفتری یا یوناما، افغانستان نینگ خوست و کنر ولایتلریده پاکستان حربی‌لری نینگ هجومیدن خواطر بیلدیرگن.
یوناما توییتری‌ده یازیشیچه، اوتگن کیچه خوست و کنر ولایتلریده اویوشتیریلگن هوا هجوملری نتیجه‌سیده، تینچ اهالی اینیقسه خاتین‌قیزلر و باله‌لر تلفاتی‌دن خواطرده دیر.
یوناما تینچ اهالی هیچ قچان نشانگه آلینمسلیگینی تأکید ایتگن. بیرلشگن ملت‌لر تشکیلاتی اورین باسرلیک هیأت دفتری نینگ کوپه‌یتیریشیچه، واقعه محلی ده‌گی حقیقت‌لرنی انیقلب و تلفات رقمینی شریک قیلیش مقصدیده سعی-حرکت قیلماقده.
بیزلرنینگ فیسبوک صحیفه‌میزگه باش اورینگ!
پاکستان حربی‌لری بوگون ایرته‌لب خوست ولایتیده وزیرستان‌لیک مهاجرلر منطقه‌لرینی بمباردمان قیلدیلر. شونینگدیک اوتگن کیچه پاکستان حربی‌لری کنر ولایتی ینگ شلتن تومنیده تورر منطقه‌لرنی نشانگه آلدیلر که نتیجه‌ده، خاتین‌قیزلر و باله‌لر شامل تینچ اهالی اولیب و یره‌لنگن.
خوست و کنردن ترقه‌لگن گزارش‌لر اساسیده، اوشبو هجوم‌لر نتیجه‌سیده خوست ولایتیده عیال‌لر و باله‌لر دخیل ۳۰ کیشی و شونینگدیک کنرده عیال‌لر و باله‌لر شامل بیش کیشی هلاک بولگن.
اسلامی امارت تشقی ایشلر وزیرلیگی مذکور هجوم‌لرگه مناسبت بیلدیریب، بوگون توش‌دن کیین بیر خبرنامه ترقه‌تیب ایتیشیچه، کابل‌ده پاکستان ایلچیسی منصور احمدخان‌نی افغانستان چیگره حدودلریده پاکستان هجوملری گه دایر چقیرگن. مذکور وزیرلیک افغانستان چیگره منطقه‌لریده پاکستان نینگ حربی هجوم‌لرینی قاره‌لب و تکرار بولمسلیگینی تأکید ایتگن.
عین‌حالده، اسلامی امارت سوزلاوچیسی ذبیح‌الله مجاهد اوز توییتری‌ده، افغانستان اسلامی امارت خوست و کنرده پاکستان نینگ دهشتلی هجوم‌لرینی قتیق قاره‌لشینی یازگن. او پاکستان‌دن، بو گَل مسئله‌لرگه افغانلر صبرینی سنه‌مسلیگینی طلب قیلگن و «هیچ قچان بونده‌ی خطاگه یول قویلمسلیگی کیره‌ک عکس‌حالده، یامان عاقبتی بولیشی ممکن.» اسلامی امارت سوزلاوچیسی، برچه قیینچیلیکلر سیاسی یول بیلن حل ایتیلیشینی تأکیدایتگن.
بیزلرنینگ توییترده هم تعقیب قیلینگ!
برچه‌سی بیلن، خوست یشاوچیلریدن قطاری بوگون اوشبو ولایت نینگ چیگره حدودلریده پاکستان حربی هجومی‌گه قرشی اعتراض قیلدیلر. اعتراضچیلر ناراضی‌لیک نمایش‌لریده «پاکستان گه مرگ» شعار بیردیلر.
ایتیش کیره‌ک که، پاکستان تشقی ایشلر وزیری احمدشکیب، اوشبو مملکت پایتختی اسلام‌آبادده اسلامی امارت ایلچیخانه‌سی نینگ نماینده‌سینی چقیرگن. مذکور وزیرلیک بوگون بیر خبرنامه ترقه‌تیب ایتیشیچه، اسلام آباد ده اسلامی امارت ایلچیخانه‌سی نینگ سرپرستینی «چیگره‌دن تشقری هجوم» گه دایر چقیرگن.
خبرنامه اساسیده، پاکستان تشقی ایشلر وزیرلیگی، اوتگن هفته افغانستان توپراغیدن پاکستان طالبلر تحریکی نینگ اوق آتیش‌لری نتیجه‌سیده، ییتی پاکستان حربی‌سی اولگنینی ادعا قیلگن‌لر و شونی اوچون واقعه عامل‌لری گه جدی عکس‌العمل کورسه‌تیشگن.
