اسلامی همکارلیک تشکیلاتی، افغانستان حقیده اوتکزیله دیگن عضو مملکت‌لر نینگ تشقی ایشلر وزیرلری فوق‌العاده ییغینی عرفه سیده اعلان قیلیشیچه، افغانستان بو تشکیلات گه عضو ممکلت‌لر نینگ یاردمی‌گه احتیاجی بار.
بو تشکیلات، عضو بولگن و بولمه‌گن مملکت‌لر دن، افغانستان خلقی‌گه انسان‌سیورلیک یاردم‌لر ییتکیزیلیشی اوچون مالی منبع‌لر نینگ بیردم‌لشتیریلیشی نی ایسته‌گن.
انسان‌سیورلیک ایش‌لری بوییچه اسلامی همکارلیک تشکیلاتی نینگ کاتب اورین باسری طارق‌علی بخیت ایتیشیچه، اون‌لرچه ییل‌لر اوروش، رنج و امنیت‌سیزلیک دن سونگ افغانستان خلقی صلح و تینچلیککه احتیاجی بار. اونگه کوره، دنیا جماعه‌چیلیگی، تیزلیکده آدیم کوتاریشی لازم، و افغانستان خلقی گه یاردم‌لر ییتکیزیلگنی دن مطمین بولیشی کیرک و اولرگه انسان‌سیورلیک یاردم‌لر نی کوپه‌یتیرسین.
بیزلرنینگ فیسبوک صحیفه‌میزگه باش اورینگ!
انسان‌سیورلیک ایش‌لری بوییچه اسلامی همکارلیک تشکیلاتی نینگ باش کاتب اورین باسری گه کوره، کابل ده اوشبو تشکیلات نینگ انسان‌سیورلیک یاردم‌لر دفتری اوز مسئولیت‌لری نی میلیون‌لرچه محتاج یشاوچی‌لرگه کیره‌کلی یاردم‌لر ییتکیزیلیشی اوچون خلق‌ارا نهاد‌لر بیردم‌لیگی بیلن انجام بیره‌دی و شونینگدیک تشکیلات و باشقه متحدلر همکارلیگی بیلن افغانستانده انسانی فاجعه گه توسیق بولیش اوچون کیره‌کلی چاره تدبیرلرنی بجره دی.
اسلامی همکارلیک تشکیلاتی نینگ تشقی وزیرلر ییغینی، بوگون پاکستان میزبالیگی بیلن اسلام‌آباد ده اوتکزیله دی. اوشبو ییغین‌ده اعضا مملکت‌لر نینگ نماینده‌لریدن علاوه، امریکا، روسیه، چین و اروپا بیرلشمه‌سی نماینده‌لری هم چقیریلگن.
شونینگدیک اسلامی امارت تشقی ایشلر وزیرلیگی سرپرستی امیرخان متقی اوتگن کون بیر هیات ییتکچی‌لیگیده مذکور ییغین ده اشتراک قیلیش اوچون پاکستان کیتگن.
