اسلام امیرلیگی ایکینچیلیک، سووغاریش و چارواچیلیک وزیرلیگی، اوزبیکستان ایکینچیلیک وزیرلیگی معینی عبدوذاکروف جمشید، رسمی شکلده کابل گه تشریف بویرگنینی معلوم قیلدی.
اوشبو وزیرلیک، بوگون (۲۶ حمل/۱۵ اپریل، چهارشنبه) ایکس صحیفهسیده بیر بیانیه ترقهتیب، جمشید جنابلری افغانستان و اوزبیکستان آرهسیدهگی ایکینچیلیک و اقتصادی همکارلیکلرنی کینگهیتیریش مقصدی بیلن کابل گه تشریف بویرگن.
بیانیه گه کوره، اوزبیکستان ایکینچیلیک وزیرلیگی معینی اوشبو سفری دایرهسیده، باغدارچیلیک لایحهلر عملگه آشیریشنی تیکشیریش، تخنیکی همکارلیکلرنی مستحکملش و افغانستان اسلام امیرلیگی ایکینچیلیک، سووغاریش و چارواچیلیک مسئوللری و متخصصلری بیلن اوچرهشیشی کوتیلهدی.
سونگی کونلرده اوزبیکستان رسمیلری و بو مملکت سوداگرلری، افغانستان تامانی بیلن تورلی ساحهلرده میلیونلرچه دالرلیک بیتیم امضالهگن بیرحالده، عبدوذاکروف جمشید کابل گه تشریف بویرگنی ایتیلهدی.
