اوتگن هفته جریانیده پکتیا، خوست و پکتیکا ولایت‌لریده سابق دولت ایشلاوچی‌لریدن بیرقطاری ناتانیش کیشی‌لر تامانیدن اولدیریلگن.
اوتگن بیرهفته جریانیده پکتیا بیرینچی امنیتی حوزه‌سی آمری عزت‌الله آرین، پکتیکا ولایتیده ملی اردو عضوی شیم و خوست ولایتیده چیگره پولیسی احسان‌الله ناتانیش قوراللی کیشی‌لر تامانیدن اولدیریلگنلر.
ایتیلیشیچه، خوست ولایتیده هیله‌مند ژندی ناملی بیر شاعر و یازووچی هم اوتگن هفته اولدیریلگن ایدی.
پکتیا سابق حاکمی محمد حلیم فدایی نینگ ایتیشیچه، سابق دولت امنیتی رسمی‌لری، حربی‌لری و باشقه تینچ اهالی خوفسیزلیگی‌نی تامین‌لش جاضرگی دولت مسوولیتیدن دیر.
جناب فدایی گه کوره، بونده‌ی واقعه‌لر طالبان‌گه تیگیشلی کیشی‌لر تامانیدن صورت تاپه‌دی.
پکتیکا یشاوچی‌لریدن قطاری نینگ ایتیش‌لریچه، اسلامی امارت تامانیدن عمومی کیچیریم اعلان قیلینگن، لیکن حاضرده هم سابق دولت رسمی‌لری خواطرگه دیرلر.
پکتیکا یشاوچی‌لریدن بیری اسد صمیم، حاضرگی دولت دن هدفلی قتل‌لر عامل‌لرینی قول آلیش اوچون سعی و حرکت قیلیشی‌نی سوره‌گن.
پکتیا پولیس قومندانی محمد عمر مخلص نینگ ایتیشیچه، عمومی کیچیریم گه تعهدلی دیر و شخصی حادثه‌لرگه توسیق بولیش اوچون جدی شکلده سعی و حرکت قیله‌دیلر.
پکتیا امنیتی رسمی‌لریگه کوره، اوتگن آی جریانیده بیرقطار کیشی‌لرنی اوغیرلاوچی‌لیک و باشقه جنایت‌لر عیبی بیلن قولگه آلگن‌لر.
