جوزجان ولایتی اطراف_محیط نی سقلش ریاست مسئوللری نینگ ایتیشلریچه، ایچکری و تشقری ده «باز و باشه» کبی ۵۱ بال قوش نینگ قاچاق ایتیلیشیگه مانع بولگنلر.
جوزجان اطراف_محیط نی سقلش باشلیغی عبدالحی عمر مختار نینگ ایتیشیچه، مرکز دن بیریلگن بویروغ اساسیده، اوشبو ولایتده نایاب قوش‌لر و حیوان‌لرنی آولش منع بولگن و بونده‌ی ایشکه قول اوره‌دیگنلر قولگه آلینیب و قانون اساسیده جزالنتیریله‌دی.
جوزجان اطراف_محیط نی سقلش باشلیغی گه کوره، اوشبو اداره ایشلاوچیلری ینگی‌لیکده انقراض حالتیده بولگن نادر و کمیاب ۵۱ بال قوش نینگ قاچاق ایتیلیشیگه مانع بولگنلر.
بیزلرنینگ فیسبوک صحیفه‌میزگه باش اورینگ!
ولایت مقامی نماینده‌سی احمد فهیم حبیبی نینگ ایتیشیچه، دولتی و خوفسیزلیک ارگانلردن تشکیل تاپگن هیأت، اوتگن کون (پنج‌شنبه، ۲۴ سنبله) آوچیلر تامانیدن آولنگن «باز و باشه» کبی تورلی قوش‌لرنی، قیته دن طبیعت گه قوییب یوباریشگن.
جناب حبیبی نینگ کوپه‌یتیریشیچه، نایاب قوش‌لر و حیوان‌لرنی آولش منع دیر و نادر قوش‌لرنی آوله‌یدیگنلر قولگه آلینیب و حبس بوله‌دی.
جوزجان ولایتی مقامی نینگ بشری منبع‌لر آمری بدرالدین قدوسی گه کوره، اسلامی امارت رهبرلری نینگ بویروغی بیلن مذکور ولایتده، نایاب قوش‌لرنی آولش منبع بولگن و اوشبو بویروغ گه عمل قیلمه‌گنلر جزالنتیریله‌دی.
بیزلرنینگ توییترده هم تعقیب قیلینگ!
جناب قدوسی نینگ ایتیشیچه، اسلامی امارت رهبرلری تامانیدن صادر بولگن فرمان و حکم اولر تامانیدن عملی بوله‌دی.
جوزجان یشاوچیلری، مسئوللر ارگانلردن، نادر و کمیاب قوش‌لر و حیوان‌لر آولنمسلیگی اوچون قتیق چیکلاو یره‌تیشنی طلب قیله‌دیلر.
ایتیش کیره‌ک که، نیچه کون آلدین جوزجان ولایتی «جنگل‌باغ» ده نایاب و بومی قوش‌لرنی آولش منع بولگن ایدی.
