انسان حقوقی کوزه‌تووچیسی تلویزیون‌لرده‌گی عیال مجری‌لر اوچون ماسک‌دن قوللنیش نینگ اجباری بولگنی خصوصیده اسلامی امارت بویورغی گه قرشی عکس‌العمل کورسه‌تیب ایتیشیچه، مذکور چیکلاولر سوز ایرکین‌لیگی و شونینگدیک عیاللر نینگ مستقللیگی و مذهبی ایشانچ‌لرینی انیق نقض قیلیش دیر.
اوتگن کیچه مذکور نهاد تامانیدن ترقه‌لگن گزارش ده کیلیشیچه، اسلامی امارت نینگ عیال نطاق‌لری گه قرشی چیکلاولری، کور و سوز افاده لاوچی بیلگی‌لر گه تینگن کیشی‌لر نینگ اطلاعات گه قول تاپه آلمسلیکلری گه سبب بولگن. بشری حقوقی کوزه‌توچیسی گه کوره، خارج دولت‌لر خواطرلرینی بیلدیریش اوچون سعی و حرکت قیلیش زمانی کیلگن.
بیزلرنینگ توییترده هم تعقیب قیلینگ!
مذکور نهاد نینگ کوپه‌یتیریشیچه، اسلامی امارت بیلن ملاقات قیلگن دیپلمات‌لر #FreeHerFace کمپاینی‌دن حمایت قیلیب و اسلامی امارت تامانیدن قیزلر و عیاللر حقوقی برابریده یره‌تیلگن بیللی چیکلاولر خصوصیده صحبت قیلیش‌لری کیره‌ک.
انسان حقوق کوزه‌تووچیسی نینگ اورغولشیچه، افغانستان ده عیال خبرچیلر، دنیا‌ده عیاللر حقوقی فاجعه‌سی نینگ اینگ یامان وضعیتی گه اوزگرگن فاجعه نینگ سون قربان‌لریدن دیر.
شونده‌ی بیرحالده، خلق‌ارا کیچیریم تشکیلاتی نینگ ایتیشیچه، اسلامی امارت حکومتی جماعه‌دن عیاللر نینگ «سیستماتیک شکلده حذف» قیلماقده.
اوشبو تشکیلات نینگ توییتر صحیفه‌سیده یازیشیچه، مذکور مملکت‌ده عیاللر حقوقی و رسانه‌لر وضعیتی خواطرلنتیرووچی دیر. خلق‌ارا کیچیریم تشکیلاتی دنیا جماعه‌دن اوشبو موضوع گه جدی شکلده توجه قیلیشی نی سوره‌گن.
خلق‌ارا کیچیریم تشکیلاتی نینگ کوپه‌یتیریشیچه: «اسلامی امارت عیاللر و قیزلر حقوقیدن رعایت قیلیشی خصوصیده ایشانچ بیرگنی بیرحالده، بیراق افغانستانده میلیون‌لرچه عیال و قیز اسلامی امارت نینگ قدرت گه ایریشگنیدن کیین، سیستماتیک شکلده جماعه‌دن حذف بولماقده و دنیا جماعه بو توغریده اسلامی امارت نی مسئول بیلیشی کیره‌ک.»
بیزلرنینگ فیسبوک صحیفه‌میزگه باش اورینگ!
جاری هفته نینگ باشیده امر بالمعروف و نهی عن‌المنکر وزیرلیگی، مملکت تلویزیون‌لری گه بویروغ بیرگن که، اوشبو رسانه‌لر نینگ عیال مجری‌لری برنامه‌لری نینگ اجرا قیلیش پیتده، یوزلری گه ماسک تاقیشلری کیره‌ک. اوشبو بویروغ اجتماعی ترماق‌لرده کینگ اعتراض‌لر نی یولگه قویگنی بیرحالده، لیکن حاضر ایسه عمل گه آشیریلماقده.
شونینگدیک رسانه‌لردن قطاری نینگ ایرکک مجری‌لری هم اسلامی امارت نینگ اوشبو چیکلاولری گه اعتراض بیلدیریب و ماسک تاقگنلر. اجتماعی ترماق‌لرده انسان حقوق فعال‌لری هم ماسک تاقیش و #FreeHerFace هشتگی نی یولگه قوییش بیلن، اوشبو قرار گه اعتراض بیلدیرگنلر.
