کانادا مهاجرلر وزیرلیگی نینگ اعلام قیلیشیچه، تخلیه زمانیده افغانستان‌دن باشقه مملکتلر اینیقسه یونان ده تقدیری نابیللی بیر شکلده حیات کیچیره‌دیگن افغانستان عیال قاضی‌لری و عایله لری گه پناه بیره‌دی. مذکور موضوع نی رویترز خبرگزارلیگی کانادا مهاجرلر وزیرلیگی سوزلاوچی‌سیدن نقل قیلیب گزارش بیرگن.
رویترز نینگ گزارشی اساسیده، کانادا مهاجر وزیرلیگی سوزلاوچیسی اوتگن کون ایتگن که، قاضی عیال‌لر و اولرنینگ عایله‌لری گه علاوه، شونینگدیک کانادا هم‌جنسچیلر، لزبینلر، ایکی جنسه و ترنس جندر شامل ۲۳۰ کیشی‌لیک بیر گروه نی هم قبول قیله‌دی.
کانادا مهاجرلر وزیرلیگی سوزلاوچی نینگ اورغولشیچه، مذکور کیشیلر ۲۰۲۲- ییل جریانی‌ده اوشبو مملکت گه کیلیش‌لری ممکن؛ بیراق اونینگ ایتیشیچه، بو حقده هیچ قنده‌ی بیللی تاریخ یوق. کانادا دولتی بوندن آلدین ۴۰ مینگ افغان گه پناه بیریشی توغریسیده سوزبیرگن ایدی. بیراق بو توغریده هیچ زمانی جدول ارایه قیلمه‌گن.
بیزلرنینگ فیسبوک صحیفه‌میزگه باش اورینگ!
کانادا دولتی نینگ آمارلری اساسیده، اوشبو مملکت افغانستان ده اسلامی امارت قدرت گه ایریشگنیدن کیین، ۶ مینگ و ۴۵۰ افغانستان یشاوچی‌لریگه اسکان بیرگن. که بولردن ۳ مینگ و ۹۱۵ کیشی کانادا دولتی و اوشبو مملکت کوچلری بیلن افغانستانده ایشله‌گن و باشقه ۲ مینگ و ۵۳۵ کیشی گه انسان دوستلیک دلیل‌لر باعث، سکونت بیریلگن.
عین حالده، اوتگن ییل اکتبر آیی دن حاضرگچه یونان ده حیات کیچیره‌دیگن قاضی‌لردن قطاری رویترز خبرگزارلیگی بیلن صحبت اوتکزیب ایتیش‌لریچه، وقتینچه‌لیک ویزا وضعیتی باعث ساغلیق خذمتلرگه قول تاپه آلمه‌یدیلر.
