بیرلشگن ملتلر تشکیلاتی نینگ انسان حقوق کینگشی، دنیا انسانی حقوق وضعیتی و کووید ۱۹ کسلیگی خصوصیده ۵۰- ییل‌لیک ییغینی نی یولگه قوییگن.
دوشنبه کونی باشلنیب و ۴ هفته دوام قیله‌دیگن اوشبو ییغینده، بوگون و ایرته افغانستان ده‌گی انسانی حقوق وضعیتی خصوصیده بحث قیلینیش گه قرار آلینگن.
شونده‌ی بیرحالده، اوشبو ییغین نینگ یولگه قوییش بیلن انسان حقوق کوزه‌تووچیسی، افغانستان ده انسانی حقوق اینیقسه عیال‌لر وضعیتی نی خواطرلنتیرووچی دیگن. انسان حقوقی کوزه‌تووچیسی نینگ عیال‌لر بولیمی اورین‌باسری هیدربار نینگ سلام‌وطندار گه ایتیشیچه، افغانستان ده عیال‌لر حقوقی جدی بیر شکلده نقض بولگن.
بیزلرنینگ فیسبوک صحیفه‌میزگه باش اورینگ!
انسان حقوقی کوزه‌تووچیسی نینگ عیال‌لر بولیمی اورین‌باسری هیدربار نینگ کوپه‌یتیریشیچه، بیرلشگن ملتلر تشکیلاتی انسانی حقوق کینگشی نینگ ییل‌لیک ییغینی‌ده، افغانستان عیال‌لری نینگ انسانی حقوقی گه اولویت بیریلیشی کیره‌ک. او، افغانستان ده انسانی حقوق وضعیتی نینگ اوزگریشی اوچون دنیا جماعه تامانیدن اسلامی امارت گه باسیم‌لر نینگ عملی بولیشی نی ایسته‌یدی.
هیدر بار نینگ ایتیشیچه: « اوشبو ییغینده عملی برنامه‌لر عملگه آشیریلیشی اوچون جدی آدیم کوتاریلیشنی ایسته‌یمیز، اسلامی امارت بشر حقوقینی نقض ایتیش بیلن قنده‌ی نتیجه‌لر بیلن روپه‌ره بوله‌دی و مملکت‌لر اسلامی امارت برابریده نیمه عکس‌العمل کورسته‌دیلر، ۲۰۲۲_ ییل ده بشر حقوقی نقض ایتیلیشی تحمل سیز دیر.»
هیدربار نینگ بیان قیلیشیچه، اسلامی امارت افغانستان ده انسان حقوقی اینیقسه عیال‌لر حقوقی خصوصیده چیکلاو‌لر نی دوام بیرگنی بیرحالده، اسلامی امارت رسمیت گه ناتیلمه‌ی و شونینگدیک دنیا جماعه‌سیدن بولگن ایسته‌کلری عمل گه آشیریلمه‌یشی ممکن.
بیزلرنینگ توییترده هم تعقیب قیلینگ!
بیراق، اسلامی امارت اوشبو بیانات گه قرشی عکس‌العمل کورستیب و افغانستان ده انسانی حقوق وضعیتی خصوصیده‌گی خواطرلر نی رد قیله‌دی. اسلامی امارت سوزلاوچی اورین‌باسلریدن انعام‌الله سمنگانی نینگ سلام‌وطندار گه ایتیشیچه: «بوتون شرعی و انسانی حقوق گه حرمت قیله‌میز، بیرلشگن ملتلر تشکیلاتی نینگ انسان حقوق کینگشیدن، افغانستان انسانی حقوق وضعیتی خصوصیده حقیقت‌لر اساسیده قرار آلیش‌لری نی ایسته‌یمیز.»
افغانستان ده اسلامی امارت نینگ قدرت گه ایریشگنیدن ۱۰ آی اوتگن و اوشبو مدت‌ده هر دایم ایچکی و تشقی نهاد‌لر مملکت‌ده انسانی حقوق اینیقسه عیال‌لر حقوقی خصوصیده خواطر بیلدیرگنلر.
۶-صنف‌دن یوقاری قیز مکتب‌لری نینگ یاپیق قالگنی افغانستان ده انسانی حقوق خصوصیده نقض بولگن اینگ اونملی موضوع‌لردن دیر که، ایچکی و تشقی تنقید‌لر بیلن روپه‌ره بولگن.
